ကဗျာနှင့်အိပ်မက်ထဲလမ်းလျှောက်ကျင့်တဲ့ကျွန်တော်

                                              ( ၁ )

                            ကျွန်တော်သိချင်သောအဖြေကိုတိတိကျကျပေးနိုင်သူမှာဤကမ္ဘာတွင်မရှိတော့ပါ။
သို့သော်..အဖြေပေးနိုင်သူတစ်စုံတစ်ယောက်တော့ရှိကောင်းရှိနိုင်ပါသည်။အဖြေပေးနိုင်သောသူသည်
သံသယနှင့်ပေးသောအဖြေတစ်ခုဖြစ်သလို ကျွန်တော်ကလည်းထိုအဖြေကို သံသယများစွာဖြင့်လက်ခံ
မည်သာဖြစ်ပါသည်။
          ပုစ္ဆာတစ်ပုဒ်၏အဖြေကိုကွန်ပျူတာဖြင့် တွက်ချက်၍ရနိုင်သည်။သိပ္ပံနည်းပညာများစွာဖြင့် သုတေသနလုပ်၍ရကောင်းရနိုင်သည်။ကျွန်တော်သိချင်သည့် ပုစ္ဆာတစ်ပုဒ်၏အဖြေကိုကွန်ပျူတာဖြင့်
တွက်ချက်၍မရ။ကျွန်တော်မေးချင်သည့် အမေးစကားတစ်ခွန်း၏အဖြေကိုသုတေသနလုပ်၍လည်း
ရနိုင်မည်မထင်။
          ကျွန်တော်သိတတ်စအရွယ်ကတည်းက ပုစ္ဆာတစ်ပုဒ်နှင့်အတူကြီးပြင်းခဲ့သည်။အမေးစကား
တစ်ခွန်းနှင့်အတူ လူပီပီလူလားမြောက်ခဲ့သည်။ပုစ္ဆာတစ်ပုဒ်နှင့်အမေးစကားတစ်ခွန်းက ကျွန်တော့်
အတွေးထဲသို့ဆွေးဆွေးမြေ့မြေ့ပုံရိပ်တွေနှင့်အတူမဖိတ်ကြားဘဲ ရောက်ရောက်လာတတ်သည်။
ထိုအချိန်မျိူးတွင် နှလုံးလှိုင်းပုတ်ခတ်သံက မျက်ဝန်းအိမ်ကိုလာရိုက်ခတ်သည်။လူမသိ သူမသိ
သုတ်ခဲ့သည့်မျက်ရည်များစွာဖြင့် နစ်နေအောင်ခံစားခဲ့ရသည်။

                                               ( ၂ )                                              
                    နွေရာသီကျောင်းပိတ်ရက်တွေကနာရီ၊မိနစ်၊စက္ကန့်တို့ကိုိသိမ်သိမ်မွေ့မွေ့ဝါးမျိုခဲ့ပါပြီ။
ဥသြတွန်သံတွေကိုလည်းအရင်လိုနေရာစိပ်စိပ်မကြားရတော့။ခဏတာခွဲခွာခဲ့သောမိခင်ကျောင်းတော်ကြီးက
လည်း သားသမီးအလာကိုစောင့်သော မိခင်အိုတစ်ယောက်လိုကရုဏာရိပ်လွှမ်းနေသည်။
          သစ်လွင်တောက်ပသော အထက်တန်းကျောင်းသားတစ်ယောက်၏ဘ၀ကစုတ်ချက်
သပ်သပ်ရပ်ရပ်ဖြင့်ရေးဆွဲထားသော စပယ်ပန်းတစ်ပွင့်နှင့်တူသည်ဟု ထင်မိသည်။
ကျွန်တော်ကျောင်းခန်းထဲရောက်တော့အတန်းသူ၊အတန်းသားအားလုံးသတ်မှတ်ထားသောနေရာတွင်
ငြိမ်သက်စွာ ထိုင်နေကြသည်။ရှေ့ဆုံးအတန်းကခုံလွတ်နေရာရောက်တော့ အမေသက်ပေးလိုက်သည့်
 ကျောင်းအပ်ဖြတ်ပိုင်းမှခုံအမှတ်နှင့်တိုက်ကြည့်သည်။သေချာပြီဆိုမှထိုင်လိုက်သည်။
              အတန်းကအပ်ကျသံကြားလောက်သည်ထိတိတ်ဆိတ်သွားသည်။ဆရာမအတန်းတွင်းသို့
ဝင်လာသောသင်္ကေတတစ်ခုဖြစ်နိုင်သည်။
                            ပြုံး၍အတန်းထဲဝင်လာသော ဆရာမအပြုံးက နွေရာသီကျောင်းပိတ်ရက်တွင်
ကွဲကွာခဲ့သောဆရာနှင့်တပည့် သံယောဇဉ်ကွာဟမှုကိုပြန်လည်စေ့စပ်လိုက်သည်။
               “ မင်္ဂလာပါ..ဆရာမ “ဟု အတန်းသားအားလုံး မတ်တပ်ရပ်နှုတ်ဆက်လိုက်သည်။
                ဆရာမမျက်ဝန်းအကြည့်တစ်ချက်ကအတန်းသားအားလုံးအပေါ်လွှမ်းခြုံသွားသည်။
ခဏအကြာတွင်ဆရာမထံမှချိုသာသောအသံထွက်လာသည်။
                “ မင်္ဂလာပါ..တပည့်တို့။အားလုံးထိုင်နိုင်ပါပြီ “
                 ကျွန်တော်တို့အားလုံးထိုင်ပြီးချိန်တွင် ဆရာမကဆုံးမစကားအနည်းငယ်ပြောသည်။
ကျောင်းခေါ်ချိန်စာအုပ်ဖွင့်၍ နာမည်ခေါ်ကာတစ်ဦးချင်းမိတ်ဆက်သည်။အားလုံးခေါ်ပြီးမှ
ကျွန်တော်နာမည်ခေါ်သည်။
               “ အောင်ဓဇ “
               “ ရှိပါတယ်..ဆရာမ “
               “ မင်းက..ဒီနှစ်ပညာရည်ချွန်ဆုပေးပွဲမှာ ပထမရတယ် ။ မနက်ဖြန်တစ်နာရီမှာဆုပေးပွဲ
အခမ်းအနားစမယ် ။ အုပ်ထိန်းသူမိဘနှစ်ပါးနဲ့အတူတက်ခွင့်ရှိတယ်။ ဒီနေ့ဆရာမကကျောင်းသား
မှတ်ပုံတင်ပုံစံစာရွက်ပေးမယ် ။ အားလုံးဖြည့်ပြီးရင်အတန်းခေါင်းဆောင်က ညနေလာအပ်ပါ။
အားလုံးကိုယ့်ပုံစံစာရွက်ကိုယ်ယူပြီး ဖြည့်နိုင်ပါပြီ “ ဟုပြောရင်းအခန်းထဲမှထွက်သွားသည်။
                ကျွန်တော်ဖြည့်ရမည့်အသက်၊လိပ်စာ၊အတန်းစသည်တို့ကိုချောချောမွေ့မွေ့
အဖုအထစ်မရှိဖြည့်လိုက်သည်။အဖုအထစ်ဖြစ်နေတာက ကွပ်လပ်တစ်ခု။ထိုကွပ်လပ်ကို
ကျွန်တော်ဆယ်တန်းရောက်သည်ထိသေသေချာချာရေရေရာရာ မဖြည့်နိုင်သေး။ဖြည့်နိုင်ခဲ့သည့်တိုင်
ကျောင်းဝင်ခွင့်ပုံစံစာရွက်ပေါ်တွင်သာပြည့်သွားသည်။ကျွန်တော်နှလုံးအိမ်ကွပ်လပ်ကအတွေးတွေနှင့်အတူ
ခံစားမှုစုစည်းတည်ရှိရာအရပ်သို့ခေါ်ဆောင်သွားသည်။
                    “ ဟေ့..အောင်ဓဇ..ဖြည့်လေ။ဘာငေးနေတာလဲ ”
                    ကျွန်တော်အသံလာရာမော့ကြည့်တော့ မိနွယ်ြဖစ်  နေသည်။
                    “ ငါ..မငေးပါဘူးမိနွယ်ရာ ။ တွေးနေတာပါ “ ဟုပြန်ပြောရင်းမိနွယ်ကိုကြည့်တော့
မျက်ဝန်းအိမ်က လဲ့နေသည်။
               ကျွန်တော်၏အတွေးနှင့်ခံစားမှုကိုထပ်တူထပ်မျှနားလည်ပေးနိုင်သူမှာမိနွယ်သာဖြစ်သည်။
ငါးတန်းစတက်တော့မိနွယ်နှင့်အတူတူ။ယခုချိန်ထိအခန်းတူ၊လမ်းတူ၊အတန်းတူ။အိမ်ခြင်းမျက်နှာချင်း
ဆိုင်ထားသော်လည်းလမ်းသာခြားသည် ။ ကျွန်တော်ရဲ့ ဟာနေသောကွပ်လပ်တစ်ခုကို ကွပ်လပ်မှန်းမိနွယ်သိသည်။သို့သော်..သူလည်းယခုတိုင်ဖြည့်မပေးနိုင်ခဲ့။
           “နင်ကလည်းဟယ်..ဒါလေးကျန်မှတွေးနေသေးတယ်။အရင်နှစ်ကအတိုင်းဖြည့်လိုက်ပါဟာ “
               မိနွယ်စကားကြားတော့ မျက်ရည်တစ်စက်က မိဘအမည်ဆိုသည့် ကွပ်လပ်လေးပေါ်
ကျသွားသည်။ ထိုမျက်ရည်တစ်စက်သည် ကျွန်တော်အဖြစ်ချင်ဆုံးဆန္ဒတစ်ခု၏ တောင့်တမှုဖြစ်ပါ
သည်။ အကယ်၍..အဖြစ်ချင်ဆုံးသော်ဆန္ဒတစ်ခုကို မျက်ရည်ဖြင့်ဖြည့်ဆည်းရနိုင်မည်ဆိုပါက ဘ၀တို့သည်လည်း ဆန္ဒနှင့်အမြဲတမ်းထပ်တူကျနေမည်ဖြစ်ပါသည်။
               “ ငါ့ပေး..အောင်ဓဇ။နင်..မဖြည့်ရင်ငါဘဲဖြည့်လိုက်မယ်’” ပြောရင်းမိနွယ်က စာရွက်ကို
လှမ်းယူသည်။
                  ပြတင်းတံခါးမှညင်သာစွာတိုက်ခတ်လာသောလေပြည်တစ်ချက်ကြောင့်မိနွယ်လက်ထဲ
က စာရွက်လေးလူးလွန့်သွားသည်။
                ကျောင်းဆင်းချိန် အိမ်အပြန်လမ်းကမှုန်ဝါးနေသည်။ကျွန်တော့် ခြေလှမ်းတွေထုံထိုင်း
နှေးကွေးနေသလို မိနွယ်ခြေလှမ်းကလည်းမသွက်။ ခြေလှမ်းတို့ခေါ်ဆောင်ရာ လိုက်နေရသည်ဟု
ထင်မိသည်။

                                                  ( ၃ )

             နံနက်တစ်ခု၏ နေရောင်ခြည်အလင်းတန်းက လှလှပပဖြာကျနေသည်။ညက..အတွေးစ
တစ်စနောက်မျောပါသွားသောကြောင့်ညဥ့်နက်မှအိပ်ပျော်ခဲ့သည်။အမေသက်နှင့်စကားလည်းမပြော
ဖြစ်။ထမင်းလည်းအတူမစားခဲ့။အမေသက်လည်းကျောင်းသားစာရင်းဇယားတွေပြုစုရေးဆွဲရင်း
အလုပ်ရှုပ်နေခဲ့သည်။
                   အမေသက်က ကုိးတန်းအတန်းပိုင်ဆရာမတစ်ယောက်ဖြစ်သည်။မနှစ်က အမေသက် အတန်းမှာနေရသည်။ယခုနှစ်တွင်ကျွန်တော်ကဆယ်တန်းတက်ရတော့အမေသက်နှင့်အတန်းကွဲသွားသည်။
အတန်းကွဲသော်လည်းအိမ်ကတစ်အိမ်တည်း။ ဒီအသက်ဒီအရွယ်ရောက်သည်အထိအမေသက်နှင့်
အတူနေခဲ့သည်။ အတူစားခဲ့သည်။အတူသွားခဲ့သည်။
            အမေသက်ရင်ခွင်သည် ကျွန်တော့်အတွက်အသိုက်တစ်ခုဖြစ်သလို ၀ပ်ကျင်းတစ်ခုလည်း
ဟုတ်သည်။အကယ်၍..အနန္တောအနန္တငါးပါးထဲတွင်ထည့်သွင်းမည်ဆိုပါကအမေသက်သည်
ကျွန်တော့်အတွက်နှစ်ဂိုဏ်းပိုင်သည်။မာတာပိတုဂုဏအနန္တနှင့်အာစရိယဂုဏအနန္တတို့ဖြစ်သည်။
အမေသက်၏ကျေးဇူးတရားကားကြီးစွ ။
            “သားရေ..အောင်ဓဇ..ကျောင်းသွားဖို့အဆင်သင့်ဖြစ်ပြီလား၊အမေသက်ထမင်းစားခန်းက
စောင့်နေမယ်နော်”
          ကျောင်းဝတ်စုံက အမေသက်မီးပူတိုက်ထား၍သပ်သပ်ရပ်ရပ်ဖြစ်နေသည်။ကျွန်တော့်ဘ၀
အရောင်တွင် အမေသက်၏ကျေးဇူးတရားတွေက ထင်ဟပ်နေသည်။ထမင်းစားခန်းထဲရောက်တော့
အမေသက်က ကော်ဖီဖျော်ရင်းစကားစသည်။
           “မနေ့ကကျောင်းဝင်ခွင့်ပုံစံဖြည့်တာအဆင်ပြေလား..သား”
            “မပြေလို့ရတာမှ မဟုတ်တာအမေသက်ရယ်၊ သားအပေါ်အမြဲတမ်းနားလည်ပေးတဲ့ မိနွယ်စေတနာလည်းပါတာပေါ့”
           အမေသက်က သောက်လက်စကော်ဖီခွက်ချရင်း ကျွန်တော့်ကိုကြည့်သည်။ ကျွန်တော်က
လည်းအမေသက်ကိုမော့ကြည်တော့ အကြည့်ချင်းဆုံသွားသည်။အမေ့သက်ဥပဓိရုပ်သည်တည်ကြည်
ခန့်ညားသည်ဟုဆိုနိုိင်သော်လည်း မေတ္တာဓာတ်အရှိန်ကြောင့် အေးမြနေသည်။ မျက်ဝန်းကကရုဏာ
ရိပ်သန်းနေသဖြင့်အမြဲလဲ့နေသည်။အမေသက်မျက်နှာကိုကြည့်မိတိုင်းဘ၀အမောတွေက
တစ်ထစ်ချင်းလျော့လျော့သွားသည်။
          “ဒါနဲ့စကားမစပ်၊သားရဲ့မိဘအမည်ကိုမိနွယ်ဖြည့်တာလား..သားကိုယ်တိုင်ဖြည့်တာလား”
            “မိနွယ်ဖြည့်တာပါ အမေသက်”  
            “သြော်..သားရယ်..”
        ကျွန်တော်တို့သားအမိ၏နံနက်စာထမင်းဝိုင်းလေး ယာယီတိတ်ဆိတ်သွားသည်။ ကမ္ဘာလောကဓာတ်တစ်ခုလုံးခဏတာငြိမ်သက်သွားသည်။
            “အောင်ဓဇရေ..မိနွယ်ရောက်နေတာကြာပြီ၊”
              ဧည့်ခန်းထဲမှမိနွယ်အသံက တိတ်ဆိတ်မှုကိုဖြိုခွဲလိုက်သည်။ မိနွယ်ဘယ်အချိန်ကတည်းက
ရောက်နေသည်မသိ။အမေသက်နှင့်ကျွန်တော်ပြောဆိုသောစကားကို မိနွယ်ကြားကောင်းကြားနိုင်သည်။
သို့သော်..ထိုစကားသံတို့ကဆေးမတိုးသောရောဂါသည်တစ်ယောက်လို မိနွယ်ကိုယဉ်ပါးစေခဲ့သည်။
သဘောထားကြီးမြတ်အောင်သင်ကြားပေးခဲ့သည်။
              “ မိနွယ်..သမီးကော်ဖီသောက်ရအောင် အခန်းထဲဝင်ခဲ့လေ “
              “ မ၀င်တော့ပါဘူး..အမေသက်။သမီးအိမ်ကသောက်လာလို့ပါ”
             “ ဒါဆိုလည်းပြီးရော..။ ဒီနေ့..သမီးတို့မောင်နှမနှစ်ယောက်
နေ့လည်စာ ပြန်မစားနဲ့နော်..။အမေသက်ထည့်ခဲ့မယ်။ နေ့လည်တစ်နာရီ ဆုပေးပွဲရှိတယ်။
နောက်ကျမှာစိုးရိမ်လို့ “
           ကျောင်းသို့မိနွယ်နှင့်အတူလမ်းလျှောက်သွားခဲ့ကြသည်။အိမ်နှင့်ကျောင်းကနှစ်ဖာလုံလောက်သာ
ကွာဟသည်မို့ဝေးလွန်းသည်ဟုမဆိုနိုင်။မိနွယ်နှင့်အတူလျှောက်ခဲ့သည်မှာငါးနှစ်ရှိပြီမို့အမြင်အာရုံနှင့်
ဤလမ်းလေးကသိပ်မစိမ်းလှ။လမ်းထိပ်တမာပင်အောက်အရောက်တွင် မိနွယ်ကတစ်ခါမျှမမေးဘူးသော
စကားလုံးတို့ဖြင့် ကျွန်တော်အတွေးတွေကိုပွတ်တိုက်ပစ်လိုက်သည်။
                    “ ဟေ့..အောင်ဓဇ ၊ နင့်ကိုငါမေးစရာရှိလို့ “
                    “ မေးစရာရှိမေးပေါ့..မိနွယ်ရ၊ငါဖြေနိုင်ဖြေမှာပေါ့ “
                   “ နင်..စိတ်မဆိုးရဘူးနော် ၊ မနေ့က မိဘနေရာမှာငါဖြည့်ပေးလိုက်တဲ့ဦးစိုးနိုင်နဲ့
ဒေါ်သက်ထက်နှင်းဆိုတဲ့သူတွေကိုမြင်ဘူးလား “
                    “ ဘာ “
          ကျွန်တော်တုံ့ပြန်ပြောဆိုလိုက်သောအာမေဋိတ်သံကအနည်းငယ်ကျယ်လောင်သွားသည်။
မိနွယ်အမေးကိုဖြေရန်စဉ်းစားနေချိန်တွင်အဖြူရောင်မတ်တူးကားတစ်စင်းကကျွန်တော်ဘေးတွင်
လာရပ်ခြင်းဖြစ်သည်။ကျွန်တော်ကြည့်လိုက်တော့ရပ်ကွက်ထဲကကိုမိုးသူဖြစ်နေသည်။
                   “ ကိုယ့်ကားနဲ့လိုက်ခဲ့ပါလား..။ မိနွယ်နဲ့အောင်ဓဇ “
                   မိနွယ်ကပြောစရာစကားရှိ၍ လမ်းလျှောက်ရင်းသွားချင်သည်ဟုငြင်းသည်။ သို့သော်..ကိုမိုးသူက ဆက်၍ခေါ်သည်။ ကိုမိုးသူကိုအားနာ၍ ကျွန်တော်လိုက်မည်ဟုပြောတော့ 
မိနွယ်ကပါခေါင်းညိတ်သည်။
               ကျွန်တော် ကားပေါ်တွင် ဆုတစ်ခုတောင်းလိုက်ပါသည်။ မိနွယ်တစ်ယောက် အစောကအမေးကို ထပ်မမေးပါစေနဲ့လို့…။

                                                ( ၄ )

             ညဥ့်နက်သည်ထိအိပ်မပျော်။ လောကကြီးတစ်ခုလုံး ငြိမ်သက်နေ၍  နာရီလက်တံ
တို့၏ရွေ့လျားမြည်တွန်သံကိုသာကြားနေရသည်။ တိုင်ကပ်နာရီတစ်လုံး၏ အစီအစဉ်တကျ တီးခတ်သွားသောသံစဉ်နှင့် နာရီပြည့်အချက်ပြမြည်သံများက  ညဥ့်တစ်ညဥ့်၏နုပျိုခြင်းအရွယ်ကို တိုက်စားသွားသည်။
               မနေ့နေလည်က ထမင်းစားချိန်တွင်ပြောသည့်         “ငါ့သား.စာမေးပွဲပြီးရင်သိချင်တဲ့
အဖြေတစ်ခုရမှာပါ”ဟုသော အမေသက်စကားနှင့် ဆုပေးပွဲခန်းမမိဘနေရာတွင် လစ်ဟာနေသည့်
ဦးစိုးနိုင်နှင့်ဒေါ်သက်ထက်နှင်းတို့ ထိုင်ခုံနှစ်ခုံက ကျွန်တော့်အတွေးကိုလိုသလို ဆွဲဆန့်သွားသည်။
         ကျွန်တော်ဆုယူအပြီးစတိတ်ပေါ်မှကြည့်တော့အမေသက်ကအထူးဧည့်သည်တော်နေရာမှာ
မိနွယ်နှင့်အတူထိုင်နေသည်။ဆုရကျောင်းသားမိဘများနေရာလှမ်းကြည့်တော့ လစ်ဟာနေသော
ထိုင်ခုံနှစ်လုံး..။ထိုထိုင်ခုံနှစ်လုံးကလည်းကျွန်တော်မမြင်ဘူးမတွေ့ဘူးသေးသည့်အဖေ
ဦးစိုးနိုင်နှင့်အမေဒေါ်သက်ထက်နှင်းတို့နေရာဖြစ်နေသည်။
                   ကျောင်းမှပေးသောမိဘမဲ့ကလေးများနှင့်ဆင်းရဲနွမ်းပါးသူကလေးများ
စောင့်ရှောက်ရေးတစ်သက်တာအကောင်းဆုံးဆုကိုအမေသက်ရရှိခဲ့သည်။ထိုဆုသည်အမေသက်နှင့်
အငြင်းပွားဖွယ်မရှိထိုက်တန်ပါသည်။  ပြီးတော့..သိဒ္ဓတ္ထမင်းသားကို မွေးဖွားပေးသော
မယ်တော်မာယာနှင့် ဘုရားဖြစ်သည်ထိကျွေးမွေးစောင့်ရှောက်ခဲ့သော မိထွေးတော်ဂေါတမီ
အကြောင်းကိုနိုင်းယှဉ်ပြီး ဥပမာဥပမေယျတို့ဖြင့်ကျောင်းအုပ်ဆရာကြီးကသြ၀ါဒစကားတွင်ထည့်
သွင်းပြောကြားသွားခဲ့သည်။နောက်ဆုံးပြောစကားက“ဆရာဆိုတာ..ဂေါတမီပါ”တဲ့။
                ကျွန်တော် အတွေးစကားလုံးတို့ဖြင့် ဆရာကြီးကိုမေးကြည့်ဖြစ်ပါသည်။ မယ်တော်မာယာနှင့်မိထွေးတော်ဂေါတမီကျေးဇူးတရားနှစ်ပါးတို့တွင် အဘယ်သူ၏ကျေးဇူးတရား
တို့သည်သိဒ္ဓတ္ထအပေါ်တွင်ပိုများပါသနည်း။ သိဒ္ဓတ္ထသည်လည်းမယ်တော်မာယာနှင့် မိထွေးတော်ဂေါတမီနှစ်ယောက်တို့တွင်ဘယ်သူအားပိုချစ်ပါသနည်း။ သို့သော်..ကျွန်တော်၏
အတွေးပုစ္ဆာတွေကို ကျွန်တော်၏သံသယအဖြေတို့ဖြင့်သာ ကျေနပ်နှစ်သိမ့်လိုက်ရပါသည်။
ကျွန်တော် ကိုယ့်ကိုကိုယ်တီးတိုးတိုင်တည်ရွတ်ဆိုလိုက်ပါသည်။
“ အို..မိခင်။ မိခင်စိတ်တို့မည်သည် တိမ်ကောကုန်ပြီလော။ 
မိခင်မေတ္တာတရားတို့မည်သည် အဘယ်အရပ်သို့စီးဆင်းကုန်ပါသနည်း။”                                          ထိုညသည် ကျွန်တော်အတွက် အတွေးည..တစ်ည ။ သံသယ..ညတစ်ည
သာဖြစ်ပါသည်။

                                                   ( ၅ )

          စက္ကန့်မှသည်မိနစ် ၊မိနစ်မှသည်နာရီ အလီလီရွေ့လျားခဲ့ပါပြီ ။  ရက်တွေကိုလစား ၊ လတွေကိုနှစ်မျိုခဲ့တဲ့ အချိန်ကာလအတိုင်းအတာက အခိုက်အတန့်ဟုထင်ရသည် ။ဗန်ဒါရွက်တို့သည်လည်း
စိမ်းရာမှဝါ ၊ ၀ါရာမှနီ ၊ နီရာမှညိုလို့သင်္ခါရဓမ္မတို့ကိုေ ခြွချပြနေသည် ။
    ကျွန်တော်ဖြေဆိုရမည့်စာမေးပွဲရက်သည်နီးကပ်လာသလိုကျွန်တော်သိချင်သည့်အဖြေတစ်ခုကို
ရဖို့လည်းနီးလာခဲ့သည်။
             “ သားရေ..မိနွယ်လာနေတယ်”
             “ ဟုတ်ကဲ့..အမေသက် “ဟုပြန်ပြောရင်းအပြင်သို့ထွက်လာခဲ့သည်။မိနွယ်ကိုလှမ်းကြည့်
တော့ကြိမ်ဆက်တီခုံပေါ်ထိုင်၍သင်္ချာတွက်နေသည်။ကျွန်တော်သူ့အနားရောက်နေသည်ကိုပင်မသိ။
          ဟေ့..မိနွယ်..စာတွေအရမ်းကြိုးစားနေတာပေါ့”                                                               ကျွန်တော်အသံကြောင့်မိနွယ်အနည်းငယ်ထိတ်လန့်သွားသည်။
             “ဟယ်..လန့်လိုက်တာအောင်ဓဇရယ် ။ အသံလေးဘာလေးပေးဦးမှပေါ့ ။                 ငါကနင်လောက်မကြိုးစားပါဘူး ။နင်ကသာအခန်းအောင်းပြီးကြိုးစားနေတာ”
             “ငါစာကျက်နေတာမဟုတ်ဘူး..မိနွယ်ရ ၊စာဖတ်နေတာ”
             “စာမေးပွဲနီးကပ်လာတာတောင်နင်ကစာဖတ်တုန်းပေါ့ဘာအကြောင်း
               တွေဖတ်နေတာလည်းပြောပါဦး”
              “မယ်တော်မာယာနတ်ရွာစံခန်းပါဟာ”
              “မိထွေးတော်ဂေါတမီအကြောင်းရောမဖတ်ဘူးလား”
              “မယ်တော်မာယာမိထွေးတော်ဂေါတမီနဲ့သိဒ္ဓတ္ထတို့ကငါ့အတွေးထဲက
ပုစ္ဆာတစ်ပုဒ်လေ..။နင်..အခုတွက်နေတဲ့ပုစ္ဆာကအဖြေတိတိကျကျထွက်နိုင်ပေမဲ့ ငါ့ပုစ္ဆာကဘယ်တော့မှအဖြေတိတိကျကျမထွက်ဘူးဟ”
              “စကားကြီးစကားကျယ်ပြောတတ်လိုက်တာ..အောင်ဓဇရယ်”ဟုပြောရင်းကျွန်တော်ကို
မျက်စောင်းထိုးကြည့်သည်။  မိနွယ်၏ မျက်စောင်းတစ်ချက်သည် ကျွန်တော်ဘ၀အတွက်
ပထမဆုံးမျက်စောင်းဖြစ်သလို အာဃာတမပါသော အမုန်းမဲ့မျက်စောင်းလည်း ဖြစ်ပါသည်။
          ခဏကြာတော့ကော်ဖီဗန်းတစ်ချပ်နှင့်အမေသက်ရောက်လာသည်။ကော်ဖီဗန်းချပြီးမှအမေ
သက်ကခုံလွတ်နေရာတွင်ဝင်ထိုင်သည်။အမေသက် မိနွယ်နှင့်ကျွန်တော်တို့ထိုင်နေသည်ပုံစံကသုံး
နားညီတြိဂံတစ်ခုပုံစံနှင့်တူသည်ဟုထင်ရသည်။အမေသက်ကသောက်လက်စကော်ဖီခွက်ချရင်းစကား
ဆိုသည်။
            “မိနွယ်လည်းရောက်နေတာနဲ့အတော်ဘဲ..။သားကိုလည်းအမေသက်ပြောချင်နေတာကြာ
ပြီ..ပြောမထွက်လို့ငါ့သား”ဟုစကားချီသည်။
              အမေသက်ကိုအကဲခတ်ကြည့်တော့နှုတ်ခမ်းတစ်စုံကတုန်နေသည်။ညိုမှောင်ရိပ်သန်းနေသော
မျက်ဝန်းကလည်းပြိုတော့မည့်မိုးလို..။အမေသက်ထံမှစကားကထွက်မလာ။ပင့်သက်ရှိုက်သံနှင့်
သက်ပြင်းခြွေသံတွေသာကျ ကျလာသည်။
             မိနွယ်ဘက်လှည့်ကြည့်တော့လည်း ကျောက်ထွင်းပန်းပုရုပ်တစ်ရုပ်လို မတုန်မလှုပ်
ငြိမ်သက်နေသည်။ကျွန်တော်..အမေသက်ဆက်လက်ပြောကြားမည့်စကားကိုသာကြားချင်နေ
ပါသည်။ အမေသက် ဆက်လက်ပြောကြားသည့်စကားသံတွေက ရှိုက်သံလဲ့နေသည်။
တစ်ခါတရံ မျက်ရည်တွေနှင့် ရောနေသည်။
       “မိဘအမည်မှာမိနွယ်ဖြည့်ခဲ့တဲ့ဦးစိုးနိုင်နဲ့ဒေါ်သက်ထက်နှင်းဆိုတာ..ငါ့သားရဲ့အဖေနဲ့အမေပါ
။အမေသက်ရဲ့ကျောင်းနေဘက်သူငယ်ချင်းတွေပေါ့ ။ သူတို့ဟာ သမီးရည်းစားဘ၀တုန်းက အလွန်အကျွံချစ်ခဲ့ကြတာလေ။လက်ထပ်ဖို့မိဘတွေထံခွင့်တောင်းတော့လည်းနှစ်ဘက်စလုံးကသဘောမတူ
ခဲ့ဘူးငါ့သား ။ သားအမေမိနှင်းဟာသားကိုမဖြစ်ဖြစ်တဲ့နည်းနဲ့မွေးဖွားချင်တယ်ဆိုပြီး အမေသက်နေတဲ့
အဆောင်ဘေးမှာ တိုက်ခန်းတစ်ခန်းငှားနေခဲ့တယ်။လိုအပ်တဲ့အသုံးစရိတ်ကိုတော့ မိဘတွေဆင်ပေး
လိုက်တဲ့လက်ဝတ်ရတနာလေးတွေ ထုခွဲပြီးအဆင်ပြေအောင်လုပ်တာပေါ့ ။ မောင်စိုးနိုင်ကလည်း
မကြာမကြာလာတွေ့ပါတယ်။သူကလည်းစာမေးပွဲသမားဆိုတော့ အမြဲတမ်းတော့မလာနိုင်ဘူးပေါ့ ။
ဒီလိုနဲ့မိနှင်းဟာ ငါ့သားကိုမွေးဖွားပြီးခုနှစ်ရက်အကြာမှာမောင်စိုးနိုင်နဲ့တရားရုံးသွားပြီးတရားဝင်
လက်ထပ်လိုက်တယ်။ အဲ့ဒီနေ့ညမှာဘဲငါ့သားကိုအမေသက်လက်ထဲအပ်ပြီး ဖားကန့်ထွက်သွားတာလေ။
ဒီနေ့ဒီချိန်ထိပေါ့”
               အမေသက်ကပြောလက်စ စကားကိုခဏရပ်ပြီးကော်ဖီတစ်ငုံငုံလိုက်သည်။ မိနွယ်လှမ်း
ကြည့်တော့ မိနွယ်မျက်နှာမှာအံ့သြခြင်းဝမ်းနည်းခြင်းရိပ်တွေလွှမ်းနေသည်။ ကျွန်တော်ကတော့
ကိုယ့်ကိုကိုယ်နားလည်မှုမရနိုင်တဲ့လူတစ်ယောက်အဖြစ်ဖြင့်အမေသက်ဆက်လက်ပြောကြား
မည့်စကားကိုသာစောင့်မျှော်မိပါသည်။
             “မိနှင်းကတော့..သားအတွက်အသုံးစရိတ်ကို စထွက်သွားတဲ့အချိန်ကစလို့ ယခုချိန်ထိ
ထောက်ပံ့ပေးပါတယ် ။ အဲ့ဒီပိုက်ဆံတွေကို အမေသက်တစ်ပြားမှ မသုံးခဲ့ပါဘူး ။ ငါ့သားအတွက်ဘဏ်မှာ
ငွေစုစာအုပ်လုပ်ပေးထားပါတယ်”ဟုပြောရင်းစာအုပ်လေးကို စားပွဲပေါ်လှမ်းတင်သည်။
       မိနွယ်လက်က ငွေစုစာအုပ်လေးထံရောက်သွားသည်။ မိနွယ်ကကျွမ်းကျင်တိကျသေသပ်တဲ့
စာရင်းစစ်တစ်ယောက်လို ဟိုလှန်ဒီလှန်လုပ်ရင်း အံ့သြသံဖြင့်ပြောသည်။
             “ ဆယ့်ငါးနှစ်တောင်ရှိပြီနော်..အမေသက်”
             “ ဟုတ်တယ်..မိနွယ် ။ ဆယ့်ငါးနှစ်ပေါ့..သမီးတို့စာမေးပွဲနောက်ဆုံးနေ့မှာမောင်စိုးနိုင်နဲ့
မိနှင်းတို့သားကိုလာခေါ်လိမ့်မယ်။ သူကတော့အမေသက်ဆန္ဒပါတဲ့..။   အမေသက်ကလည်းမိနှင်း
သဘောပါလို့ပြန်ပြောလိုက်ပါတယ်။ အဓိကကတော့..သားအောင်ဓဇရဲ့ဆုံးဖြတ်ချက်ပေါ့။ကဲ..ကဲ..
သားတို့နားချင်လည်းနား စာကြည့်ချင်လည်းစာကြည့်..။ အမေသက်တော့ခေါင်းကိုက်လို့နားလိုက်
ဦးမယ်”ဟုပြောရင်းအခန်းထဲဝင်သွားသည်။
             အမေသက် အခန်းထဲဝင်သွားပြီးမကြာခင်မိနွယ်လည်း ဘယ်သူမှနှုတ်မဆက်ဘဲ
ပြန်သွားသည်။
              “ အဓိကကတော့..သားအောင်ဓဇရဲ့ဆုံးဖြတ်ချက်ပေါ့” ဟူသည့် အမေသက်စကားက
ခံစားမှုသုံးခု၏ဆုံရာရပ်ဝန်းဖြစ်နိုင်သလုိ ကျေးဇူးတရားနှစ်ခု၏ဆုံမှတ်လည်းဖြစ်နိုင်သည်။ကျွန်တော်
ဘယ်လိုဆုံးဖြတ်ရပါမည်နည်း။

                                              ( ၆ )

              ဖြာမြဲအတိုင်းဖြာကျနေသောအာရုဏ်ဦး၏နေခြည်နုနုတို့သည်လူတိုင်း
အပေါ်နွေးထွေးနိုင်ပါမည်လော့။ စီးဆင်းမြဲစီးဆင်းနေသောစမ်းရေတို့သည်လည်းလူတိုင်း
အပေါ်အေးမြနိုင်ပါမည်လော။
    သည်နေ့အဖို့ ကျွန်တော်သည် သားတရားစီရင်မည့် မဟောသဓာတစ်ယောက်ဖြစ်နိုင်သလို
ကျေးဇူးတရားသိပြီး တာဝန်မကျေသော ငခင်ညိုတစ်ယောက်လည်းဖြစ်နိုင်ပါသည်။ ကျွန်တော်၏
ခံစားမှု ၊အတွေးနှင့်ဆင်ခြင်ညဏ်အရည်အသွေးတို့ကို ကျွန်တော်ကိုယ်တိုင်တိုင်းတာရမည့်
နေ့လည်းဖြစ်ပါသည်။
             ကျွန်တော် စာမေးပွဲခန်းကထွက်တော့ ရပ်စောင့်နေသည့် မိနွယ်ကိုတွေ့ရသည်။
             “အောင်ဓဇ..နင်ဖြေနိုင်လား ။ ငါကတော့..ဂုဏ်ထူးမှတ်ရတဲ့အထိဖြေခဲ့တယ်’” ဟုမိနွယ်
က မေးမေးဆိုဆိုစကားစသည်။
             “ဖြေနိုင်ပါတယ်..မိနွယ်ရ ။ ငါကလူညံ့မှမဟုတ်တာ’”
             “နင်ပြောမယ့်စကားငါကြိုသိပါတယ်..အောင်ဓဇရယ် ။ ငယ်ငယ်လေးတည်းကအတူတူနေလာတာလေ..ဟား..ဟား”
           မိနွယ်ကြည့်ရသည်မှာပျော်ရွှင်နေပုံရသည်။စာမေးပွဲပြီးသွား၍ ပေါ့ပါးလွပ်လပ်သည်လည်း
ပါမည်ထင်သည်။
               “နင်..ဒီနေ့ဟိုကိစ္စဘယ်လိုဆုံးဖြတ်မှာလဲ”
               “အဖြေမရသေးဘူး..မိနွယ်ရ ။ နင်သာသိဒ္ဓတ္ထဖြစ်ခဲ့ရင်ကောင်းသား ။ ငါမေးချင်တဲ့ပုစ္ဆာကိုဖြေခိုင်းချင်လို့လေ။                                         ဒါတောင်မယ်တော်မာယာကသိဒ္ဓတ္ထမွေးပြီးခုနှစ်ရက်အတွင်းမှာနတ်ရွာစံ
သွားတာနော်..။ငါ့အမေက ငါ့မွေးပြီးခုနှစ်ရက်အတွင်းမှာ…။”
                  ကျွန်တော်စကားအလိုလိုရပ်တန့်သွားသည်။ ဆက်ပြောရန်လည်းအင်အားမရှိတော့။
              “ငါနားလည်ပါတယ်..အောင်ဓဇရယ်။ငါကသိဒ္ဓတ္ထမဟုတ်သလိုမှန်တယ်မှားတယ်လည်း
မပြောချင်သေးဘူး။ဒါပေမယ့်..ငါပေးမယ့်လက်ဆောင်တော့နင်လာယူဦးနော်..။  ငါတို့စကားပြောနေကျကန်ထိပ်ကစောင့်နေမယ်”
            အိမ်ရှေ့ရောက်တော့မိနွယ်လည်းကျွန်တော်ကိုကျောခိုင်းသလိုကျွန်တော်ကလည်းမိနွယ်
ကိုကျောခိုင်းလိုက်ပါသည်။အိမ်ရှေ့တွင်လင့်ခရုဆာအဖြူရောင်ကားတစ်စင်းရပ်ထားသည်
ကိုတွေ့ရသည်။လှေကားခုံရောက်တော့အမျိုးသားစီးရှုးဖိနပ်တစ်ရံနှင့်အမျိုးသမီးစီး
ဖိနပ်နှစ်ရံ..။အမေသက်ပြောသည့်ဦးစိုးနိုင်နှင့်ဒေါ်သက်ထက်နှင်းတို့ရောက်နေပြီဟု
ကျွန်တော်ထင်ပါသည်။အိမ်ပေါ်ရောက်တော့ခရီးရောက်မဆိုက်အမေသက်က စကားဆိုသည်။
                “သား..အောင်ဓဇ ၊ ဒီမှာလာထိုင်ဦး ။ ခဏနေမှနားပေါ့ ..”
               ကျွန်တော်အမေသက်ညွှန်ပြသည့်နေရာတွင်ထိုင်လိုက်သည်။ အမေသက်ပြောသည့်
ဦးစိုးနိုင်နှင့်ဒေါ်သက်ထက်နှင်းကနွေးထွေးရိပ်လွှမ်းသောအပြုံးဖြင့်ပြုံးပြသည်။
              “မောင်စိုးနိုင်နဲ့မိနှင်း..၊ ဒါ..အောင်ဓဇလေ”
              “သားကဥပဓိရုပ်ကောင်းတယ်နော်..မိသက် ၊ ရှင်းနေတာဘဲ”
              “ခေတ်သစ်သိဒ္ဓတ္ထလေးလေ..မိနှင်းရဲ့”
            ဒေါ်သက်ထက်နှင်းမျက်နှာအနည်းငယ်ညှိုးသွားသလိုအမေသက်အသံလည်းရှိုက်သံ
လဲ့သွားသည်။ ဒေါ်သက်ထက်နှင်းကစကားဖြတ်၍ပြောသည်။
         “သားရေ..။အဖေနဲ့အမေတို့ခြောက်နာရီပြန်ရမှာ..၊အခုတောင်..အလုပ်တွေပစ်ထားခဲ့ရတာ”
      ကျွန်တော်ဘ၀အတွက်အနွေးထွေးဆုံးစကားတစ်ခွန်းပါ..။အမေစစ်စစ်ကသားလို့ခေါ်လိုက်တဲ့
အသံနဲ့အမူအရာကို ပထမဆုံးအကြိမ်ကြားဘူးမြင်ဘူးခြင်းပါ ။
          အမေသက်နှင့်ဒေါ်သက်ထက်နှင်းတို့နှစ်ယောက်ကြားကျွန်တော်မည်သို့ဆုံးဖြတ်
ရပါမည်နည်း။နာရီကိုမော့ကြည့်တော့လေးနာရီလွန်နေပြီ ။
             ကျွန်တော်အားလုံးကိုနှုတ်ဆက်၍မိနွယ်ရှိရာကန်ဘောင်သို့ထွက်လာခဲ့သည် ။ ကန်ဘောင်ထိပ်ရောက်တော့ မိနွယ်ကလက်ဆောင်ဘူးလေးကိုင်၍ ကန်ရေပြင်ကိုငေး
ကြည့်နေသည်။ကျွန်တောာ်ရောက်နေသည်ကိုမိနွယ်မသိ။ ကျွန်တော်က
ပဲနှုတ်ဆက်စကား စဆိုလိုက်ပါသည်။
            “မိနွယ်..နင့်ကို ငါလာနှုတ်ဆက်တာ..မိနွယ်”
            “ဘာပြောတယ်..အောင်ဓဇ..နင်တကယ်လိုက်သွားမှာပေါ့”
           “အေးလေ..ဘာဖြစ်လို့လဲ”
           “နင်..တော်တော်အသည်းမာတယ်နော်..အောင်ဓဇ..။နင့်ကိုဆယ့်ငါးနှစ်လုံးလုံးကျွေးမွေးလာတဲ့
အမေသက်ကို နင်မငဲ့တော့ဘူးလား၊အမေသက်နေရာကနင်ဝင်ပြီးခံစားကြည့်ပါဦး..အောင်ဓဇရယ်..”
ဟုပြောရင်းငိုသည်။
             မိနွယ်ဝမ်းနည်းစိတ်နှင့်ခံစားမှုကမျိုသိပ်၍မရနိုင်တော့။တာရိုးတစ်ခုကျိုးသလိုမျက်ရည်နှင့်
စကားလုံးတို့ကအတားအဆီးမဲ့စီးဆင်းလာသည်။
                       “နင်က ဒီအရွယ်ရောက်အောင်ငါ့ကိုမွေးထားတဲ့ ဒေါ်သက်ထက်နှင်းကို
ထည့်မတွက်တော့ဘူးလား။သူ့ဘက်ကမိခင်တစ်ယောက်အနေနဲ့ဘယ်လိုခံစားရမလဲ..မိနွယ်.”
          “ဒီမယ်..အောင်ဓဇ..ဒေါ်သက်ထက်နှင်းဆိုတာနင့်ကိုမွေးရုံမွှေးထားတာ.၊အမေသက်ကနင့်ကို
ဒီလိုခေတ်ပညာတွေသင်ကြားပေးပြီးကျွေးမွေးစောင့်ရှောက်လာတာ ၊နင့်ကိုငါနောက်ဆုံး
စကားတစ်ခွန်းပြောမယ်၊..အောင်ဓဇ ၊နင့်အသည်းထဲ စွဲနေအောင်မှတ်သွား..အဲဒါကတော့
အမျုိးသမီးတိုင်းမှာမိခင်စိတ်ရှိတယ်”
            မိနွယ်ရှိုက်ကြီးတငင်ငိုနေသည်။ကျွန်တော်မိနွယ်ကိုဘယ်လိုဖြေသိမ့်ရမလဲ စဉ်းစားခိုက်ကမ်းစပ်မှ
ခပ်စူးစူးအသံတစ်ခုထွက်လာသည်။ကျွန်တော်အသံလာရာကမ်းစပ်ဆီလျှောက်သွားတော့မိနွယ်ပါ
နာက်ကလိုက်လာသည်။သေချာကြည့်တော့ရင်ကွဲလုနီးပါးအော်နေသည့်ကြက်မတစ်ကောင်၊
လည်ဆံမွှေးတွေကထိုးထောင်နေသည်။အတောင်ပံတစ်စုံကဆန့်တန်းလိုက်၊ပြန်ကွေးလိုက်ဖြစ်နေုသည်။
 ဘာ့ကြောင့်အော်နေသလဲအနီးကပ်ကြည့်တော့ ကန်ထဲမှာဘဲအုပ်ကြီးနှင့်အတူ
ကူးခပ်နေသည့်ဘဲပေါက်လေးတစ်ကောင် ၊ထိုဘဲပေါက်လေးကလည်းမိနွယ်တို့အိမ်ကကြက်မကြီး
ဝပ်တော့ကျွန်တော်ထည့်ထားသည့် ဘဲဥမှပေါက်သည့်ဘဲပေါက်လေး။ထိုဘဲဥလေးကလည်း
မိနွယ်နှင့်ကျွန်တော် စကားပြောအပြန် ကမ်းစပ်မှကောက်လာသောဘဲဥလေးဖြစ်သည်။  ကျွန်တော်
ဆင်းဆယ်မည်လုပ်တော့မိနွယ်ကတားသည်။
            “အောင်ဓဇ..နင်မဆင်းနဲ့..ငါဆင်းမယ်”ဟုပြောရင်းကန်ထဲဆင်းသွားသည်။
       မိနွယ်ဘဲပေါက်လေးဆယ်ယူပြီးကြက်မကြီးနားချပေးတော့ကြက်မကြီးအသံတိတ်သွားသည်။
ပြီးတော့..မိနွယ်ကကျွန်တော့်ကိုပေးမည့်လက်ဆောင်ဘူးလေးကိုရေထဲလွှင့်ပစ်လိုက်ရင်းပြောသည်။
           “ငါနင့်ကိုအဖိုးတန်တဲ့လက်ဆောင်မပေးတော့ဘူး..အောင်ဓဇ..။ဘဲကလေးကို
ငါဆယ်ပေးလိုက်လို့ကြက်မကြီးရဲ့စိုးရိမ်မှုပြေလျော့သွားတာကနင့်အတွက်ငါပေးတဲ့လက်ဆောင်ပဲ..။
နင်ပြန်တော့အောင်ဓဇ..ခြောက်နာရီထိုးတော့မယ်”
          ကျွန်တော်ကမ်းစပ်မှအိမ်သို့ရောက်အောင်သွားနေသည့်ခြေလှမ်းတွေကလေးလံနှေးကွေး
နေသည်။ မိနွယ်ပေးလိုက်တဲ့လက်ဆောင်ကလည်း သေသည်အထိပါမည့်လက်ဆောင်။ ကျွန်တော်မိနွယ်ပေးသည့် လက်ဆောင်လေးကိုအတွေးများစွာဖြင့် ထွေးပွေ့ရင်းအိမ်ကိုဘယ်လို
ရောက်လာမှန်းမသိ။
         “သားရေ..အောင်ဓဇ..ခြောက်နာရီထိုးဖို့ဆယ့်ငါးမိနစ်ပဲလိုတော့တယ်။ပြင်စရာရှိတာပြင်ပြီး
ထွက်ခဲ့တော့” ဟုအမေသက်ကလှမ်းပြောသည်။
       ကျွန်တော်အပြင်ဘက်ရောက်တော့မွေးသောအမေနှင့်ကျွေးသောအမေနှစ်ယောက်၏မျက်နှာ
ကဆန့်ကျင်ဘက်ဖြစ်နေသည်။အမေသက်မျက်နှာကရွာတော့မည့်မိုးလိုညို့မှိုင်းအုံ့ဆိုင်းနေသ
လောက်ဒေါ်သက်ထက်နှင်းမျက်နှာကမိုးရွာပြီးစကောင်းကင်လိုကြည်လင်နေသည်။
နာရီကိုမော့ကြည့်တော့ငါးမိနစ်သာလိုတော့သည်။၊
          ဦးစိုးနိုင်၊ဒေါ်သက်ထက်နှင်းနှင့်အမေသက်တို့ကို ကျွန်တော်ကန်တော့သည်။ပြီးမှ
အမေသက်ဘေးက ခုံအလွတ်မှာ ၀င်ထိုင်လိုက်သည်။
             ကျွန်တော်တွေးမိပါသည်။သိဒ္ဓတ္ထကိုမွေးပြီးခုနစ်ရက်မြောက်မှာနတ်ရွာစံသွားခဲ့သည့်မယ်
တော်မာယာ။သိဒ္ဓတ္ထကိုဘုရားဖြစ်သည်အထိကျွေးမွေးစောင့်ရှောက်ခဲ့သည့်မိထွေးတော်ဂေါတမီ…။
ကျွန်တော့်ကိုမွေးဖွားပြီးခုနစ်ရက်မြောက်မှာထွက်ခွါ့သွားသည့်မိခင်ဒေါ်သက်ထက်နှင်းနှင့်
ယခုအရွယ်ထိကျွေးမွေးစောင့်ရှောက်ခဲ့သည့်အမေသက်။ပြီးတော့ ဥရုံသာဥပြီးဥကိုမစောင့်ရှောက်
သည့်မိခင်ဘဲမကြီးနှင့်အရွယ်မြောက်သည်အထိစောင့်ရှောက်ပေးသည့်မိခင်ကြက်မကြီး။
မည်သူကကျေးဇူးပိုကြီးလို့မည်သူကကျှေးဇူးတရားပိုနည်းပါသနည်း။
         ပြီးတော့မိနွယ်ပြောသည့်စကားနှင့်မိနွယ်ပေးသည့်လက်ဆောင်။
“နင်အသည်းစွဲနေအောင်မှတ်သွား..အဲဒါကတော့အမျိုးသမီးတိုင်းမှာမိခင်စိတ်ရှိတယ်”ဆိုသည့်
စကားနှင့်“ ဘဲကလေးကိုငါဆယ်ပေးလိုက်လို့ကြက်မကြီးရဲ့ စိုးရိမ်မှုပြေလျော့သွားတာက နင့်အတွက်ငါပေးတဲ့လက်ဆောင်ပဲ  ”
        ကျွန်တော်အတွေးဆုံးတော့သက်ပြင်းချသံတစ်ချက်ကအလိုအလျောက်ခုန်ထွက်သွားသည်။
ထိုအသံနှင့်အတူနာရီမြည်သံကလည်းခြောက်ချက်မြောက်အသံ။
      ကျွန်တော်သက်ပြင်းမောသံတွေထဲမှခိုင်မာသည့်ဆုံးဖြတ်ချက်တစ်ခုကိုချလိုက်ပါသည်။ထိုဆုံး
ဖြတ်ချက်သည်မှားချင်လည်းမှားနိုင်သလို၊မှန်ချင်လည်းမှန်နိုင်ပါသည်။
             “ကျွန်တော်..အမေသက်နှင့်အတူနေခဲ့ပါမယ်..အမေ”ကျွန်တော် ဒေါ်သက်ထက်နှင်းကို
အမေဟုခေါ်လိုက်ပါသည် ။  ထို ”အမေ” ဟူသော အခေါ်အဝေါ်သည်      ကျွန်တော့်ဘ၀အတွက်     ပထမဦးဆုံးအကြိမ် ခေါ်လိုက်သည့် “အမေ” ဖြစ်ပါသည်။

                                                                                       မောင်ခန့်မြေ (ထီလာ)