ဟိုဘက်ကမ်းကိုစွန့်လို
ဒီဘက်ကမ်းရောက်သူ 

ဒီဘက်ကမ်းကိုရောက်မှ
ဟိုဘက်ကမ်းစွန့်သူ

သူတို့ရဲ့
လွန်မြောက်မှုမှာ
လိင်၊ဖိနပ်အမျိုးအစားနဲ့
မေတ္တာတရားသာ
ကွဲလွဲခဲ့ပေါ့ ။ ။
                               

                                            မောင်ခန့်မြေ (ထီလာ )




ကျွန်တော်တို့ဟာ
ကမ္ဘာကြီးထဲမှာ အကျယ်ချုပ်ချခံထားရတဲ့
အကျဉ်းသားတွေပါ
ကျွန်တော်တို့ဟာ
ဟန်ဆောင်မှုအတတ်ပညာဝတ်စုံဝတ်ဆင်လို့
ယဉ်ကျေးအောင်သင်ခဲ့ကြပါတယ်

ကျွန်တော်တို့ဟာ
ဘုရားသခင်ကိုဖန်ဆင်းခဲ့တဲ့လူသားတွေပါ
အယူဝါဒတွေကွဲလွဲပြီး
နူးကလီးယားလက်နက်တွေထုတ်လုပ်လို့
စစ်ပွဲတွေဆင်နွှဲခဲ့ကြပါတယ်

ကျွန်တော်တို့ဟာ
အားနွှဲ့ပြီးအသိဥာဏ်ထက်မြတ်တဲ့လူသားတွေပါ
မိုးလေ၀သကိုကြိုတင်ခန့်မှန်းနိုင်ခဲ့ပြီး
မပြည့်နိုင်တဲ့အလိုဆန္ဒတွေနဲ့
စိတ်မရှိတဲ့ကမ္ဘာကြီးကို
အသက်မဲ့တဲ့အိုင်ဖုန်းတစ်လုံးထဲထိုးထည့်ခဲ့ကြပါတယ်

ကျွန်တော်တို့ဟာ
နောင်တနဲ့ကွယ်ပြီးအမှားကိုအမှန်ခြစ်တဲ့လူသားတွေပါ
မသိ မလိမ္မာ တွေဝေမှုတွေနဲ့
မကောင်းတာတွေပြုပြီး
မမှန်တာတွေပြောလို့
မနှစ်သက်တာတွေကြံစည်ခဲ့ပါတယ်

ကျွန်တော်တို့ကိုခွင့်လွှတ်ပါ/ခွင့်ပြုပါ
ကျွန်တော်တို့မကောင်းတာတွေပြုတိုင်း
သစ်ပင်တစ်ပင်စီစိုက်ခွင့်ပြုပါ
ကျွန်တော်တို့မမှန်တာတွေပြောတိုင်း
ထမင်းတစ်လုပ်စီလျော့စားခွင့်ပြုပါ
ကျွန်တော်တို့မနှစ်သက်တာတွေကြံစည်တိုင်း
ရေတစ်ခွက်စီလျော့သောက်ခွင့်ပြုပါ
 
ကျွန်တော်တို့ရဲ့ပြစ်မှုဖြင့်
ကမ္ဘာကြီးစိမ်းလန်းပါစေ
စားနပ်ရိက္ခာပေါလျှံပါစေ
စိမ့်စမ်းရေကြည်ထွက်ပါစေ

တကယ်တော့..
ကမ္ဘာကြီးဟာလုံးပါတယ်
အိုင်ဖုန်းတစ်လုံးဟာပြားပါတယ်
ကဗျာတစ်ပုဒ်ဟာပေါ့ပါတယ်
                                
                                           မောင်ခန့်မြေ (ထီလာ)

အဖြူရောင်လူ့အခွင့်အရေးကိုစောင့်နေတဲ့ဘ၀ကထန်းလျက်လုံးခွေးလျက်သလိုလုံးပါးပါးလာ လာတော့မယ့်အလုပ်အကိုင်အခွင့်အလမ်းစောင့်ရင်း ခိုးစားမယ်ကြံတော့လည်း ရပ်ကွက်ထဲက ခွေးတစ်အုပ်ဟောင်မှာကိုတွေးကြောက်မိ 
 ကမ္ဘာကြီးကပူတယ်..လူတွေကပိုပူတယ်..ဘ၀တွေကပိုပိုပူတယ်
ပူတယ်..ပူတယ်ဆိုပြီး အအေးဓာတ်ရချင်လို့ ကံဆိုးမနားလမ်းကပ်လျှောက်တော့
“ရှင်က..ကြိုးတစ်စ ကိုင်ပေ့ါ..ကျွန်မတို့လွန်ဆွဲကြမယ်”တဲ့ ဘယ်လို ရောက်လာမှန်းမသိတဲ့မိုးကျရွှေကိုယ်ဒိုင်က ရေခံဖို့ငွေဖလားနဲ့အဆင်သင့် လက်တွေဟာမငြိမ်ဘူး..ပါးစပ်တွေဟာမငြိမ်ဘူး..ဗိုက်တွေဟာမငြိမ်ဘူး 
မငြိမ်လို့ ညစ်တယ်..လူလည်းညစ်တယ်..စိတ်လည်းညစ်တယ်.. ညစ်တယ် 
လယ်မြေတွေစီမံကိန်းဧရိယာထဲပါလို့ တောကဘကြီးသာလှလည်း ညစ်တယ် ထင်းစိုက်ခင်းတွေဟိုတယ်ဇုန်ထဲပါသွားလို့ တောင်ပေါ်ကဖထီးလည်းညစ်တယ်
ရွှေကျင်ရင်းချောင်းတွေကောလာလို့ တံငါသည်ကိုအုန်းရွှေလည်း ညစ်တယ် ၁၅၀၀တန်ဆင်းကဒ်တွေရှစ်သောင်းပေါက်လို့ဖုန်းအငှားကိုင်တဲ့မအေးမိလည်း ညစ်တယ် နဂါးမင်းနဲ့အခြွေအရံတွေကသူ့ကျောရိုးကိုစွပ်ပြုတ်လုပ်မယ်ကြံလို့ ဧရာဝတီလည်း ညစ်တယ်
ချင်းတွင်းလည်း ညစ်တယ် သံလွင်လည်း ညစ်တယ် စစ်တောင်းလည်း ညစ်တယ်
ညစ်တယ် ညစ်တယ်လို့ရေရွတ်ရင်း ညစ်တာတွေလျှော်ဖို့အိမ်ပြန်ရောက်တော့ ခြံစည်းရိုးပေါက်က၀င်လာတဲ့ ခွေးသူခိုးလား ခွေးဆိုးလား ခိုးစားတာလားတိုးသွားတာလားမသိ အခုတော့..ဆပ်ပြာလည်းပျောက် ရေလည်းမှောက်ပေါ့ ။

                                                            မောင်ခန့်မြေ (ထီလာ)

                        ဦးကျော့ကွယ်လွန်ပြီးကတည်းက ထော့ထိုင်းတို့သားအမိနှစ်ယောက်ဘ၀ပင်လယ်ကြော
တွင်မျောချင်သလိုမျောနေခဲ့သည်။ဖခင်ကြီးမရှိသည့်နောက်တွင်ဘ၀လှေငယ်နှစ်စင်းမလူး
လွန့်အောင်ထော့ထိုင်းကပဲ့နှစ်ချောင်းကိုင်ခဲ့ရသည်။ ထော့ထိုင်းကိုရပ်ကွက်
ထဲတွင်နေထိုင်သောကလေးလူကြီးအားလုံးသိကြပါသည် ။ချစ်လည်းချစ်ကြပါသည်။           ထော့ထိုင်း၏မိခင်ဒေါ်မြရီသည်လ္ဘက်ရည်စွဲနေသူဖြစ်သည်။ဆန်အိုးထဲဆန်မရှိလျှင်မပူ။
လ္ဘက်ရည်မသောက်ရလျှင်ဒေါ်မြရီတစ်ယောက်ထိုင်ရမလို၊ထရမလိုဖြစ်နေတတ်သည်။
ဒေါ်မြရီလ္ဘက်ရည်သောက်သည့်သက်တမ်းကိုနှုတ်ခမ်းကြည့်လျင်သိနိုင်ပါသည်
။ဒေါ်မြရီနှုတ်ခမ်းသည်မဟူရာရောင်သန်းစပြုနေပြီ။ထော့ထိုင်းသည်မိခင်၏အလိုကိုလမ်းထိပ်ရှိ သာတိုး လ္ဘက်ရည်ဆိုင်မှနေ့စဉ်ပါဆယ်ဆွဲ၍ဖြည့်ပေးရပါသည်။        ထော့ထိုင်း၏အလုပ်သည်ခေါင်းစဉ်တပ်၍မရ။ဝင်ငွေလည်းပုံမှန်မရှိ။ရပ်ကွက်ထဲတွင်နေသူ
တို့မလုပ်ချင်သောအလုပ်၊မလုပ်နိုင်သောအလုပ်ကိုထော့ထိုင်းကလုပ်ပေးရသည်။
သူတို့ပေးသလောက်သာရသည်သူတို့ကျွေးသလောက်သာဝသည်ဆိုသောကျပမ်းအလုပ်သမား
ဘ၀။ထော့ထိုင်း၏ယာယီအလုပ်ရှင်များကလည်းမွေးရာပါခြေတစ်ဖက်မသန်သော
ထော့ထိုင်းဘ၀ကိုနားလည်မှုပြည့်ပြည့်၀၀ပေးကြပါသည်။ထိုယာယီအလုပ်ရှင်များထဲတွင်
လမ်းထိပ်၌ဆေးခန်းဖွင့်ထားသောဒေါက်တာဒေါ်ချိုလဲ့သာကအသာဆုံးဖြစ်ပါသည်။
             
                                 **********************
    
           “ဒေါ်မြရီ..ဒေါ်မြရီ”                                                                  အိမ်အပြင်ဘက်ကခေါ်သံကြား၍ဒေါ်မြရီထင်းခွဲသည့်ဓားမကိုခဏချ၍လှည့်ကြည့်တော့
ဒေါ်ချိုလဲ့သာဖြစ်နေသည်။
 “အော်..ဒေါက်တာပါလား။ဘာကိစ္စရှိပါသလဲ”ဟုဒေါ်မြရီကပြုံး၍မေးသည်။ “ထော့ထိုင်းအလုပ်မအားဘူးလား..ဆေးခန်းဘေးကမြက်တွေရှင်းချင်လို့ပါ”ဟုဒေါ်ချိုလဲ့သာ
ကဖြေတော့  “အားပါတယ်”ဟုဒေါ်မြရီကပြန်ပြောရင်းထော့ထိုင်းကိုမေးငေါ့ပြသည်။         ထော့ထိုင်းတို့နေထိုင်ရာရပ်ကွက်သို့ ဒေါ်ချိုလဲ့သာရောက်လာသည်မှာ မကြာသေး။ထော့ထိုင်းတို့နေထိုင်ရာရပ်ကွက်ကလည်း ဖွံ့ဖြိုးမှုနှေးကွေးသောနယ်မြို့တစ်မြို့
၏မြို့စွန်ရပ်ကွက်။ရပ်ကွက်သာဆိုသည်ရွာနဲ့သိပ်မထူး။အိမ်တိုင်းလိုလိုပညာရေး
ထက်စားဝတ်နေရေးကိုအလေးထားကြသည်။ထိုနယ်မြို့လေးသို့ဒေါ်ချိုလဲ့သာကဆေးရုံအုပ်
အဖြစ်ပြောင်းရွှေ့တာဝန်ထမ်းဆောင်ရင်းထော့ထိုင်းတို့ရပ်ကွက်ထိပ်၌ကုသိုလ် ဖြစ်ဆေးခန်းဖွင့်ထားခြင်း
ဖြစ်ပါသည်။         ထော့ထိုင်းတစ်ယောက်ပေါက်ပြားထမ်းပြီးဒေါ်ချိုလဲ့သာဆေးခန်းသို့ထွက်လာခဲ့သည်။
။နွေ၏အရှင်သခင်မွန်းတည့်နေကထော့ထိုင်း၏ဦးခေါင်းထက်တွင်ငြိမ်သက်နေ၏။         ထော့ထိုင်း၏ခန္မွာကိုယ်မှထွက်သောချွေးစက်ချွေးပေါက်များကလည်းစိန်ပွင့်
များကဲသို့နေနှင့်အပြိုင်ပြိုးပြိုးပြက်ပြက်အရောင်ထွက်နေသည်။ထော့ထိုင်း၏အမူအရာကဘ၀
လှိုင်းတံပိုးများကိုရင်စီးကာမည့်ပုံပေါ်နေသည်။လက်ရှိဘ၀ကရုန်းထွက်ချင်ပေမယ့်လည်းဘယ်လို
ရုန်းထွက်ရမည်ဆိုတာကိုသူမသိ။ကံတရား၏ဖန်တီးမှုအတိုင်းဖန်လုံအိမ်သက်ရောက်မှုပြင်းထန်သော
ဘ၀လှောင်အိမ်ထဲတွင်မည်မျှကြာကြာနေရဦးမည်ကိုလည်းသူမပြောတတ်။
         ထော့ထိုင်းသည်သူလုပ်ငန်းခွင်ဝင်ပြီးသောလုပ်ကွက်ကိုပြန်ကြည့်နေသည်
။နေ့တွက်ကိုက်ပုံမပေါ်သေးမှန်းလည်းသူသိသည်။အိမ်အပြန်တွင်မိခင်ဒေါ်မြရီအတွက်
လ္ဘက်ရည်နှင့်ဆန်လည်းဝယ်သွားရဦးမည်ဟုတွေးနေပုံပေါ်သည်။           ထိုအချိန်တွင်ရေနွေးဖြူထည့်ထားသောဖန်ခွက်နှင့်အစိမ်းရောင်အထုပ်တစ်ထုပ်ကိုင်
၍ဒေါ်ချိုလဲ့သာရောက်လာသည်။           “ထော့ထိုင်းရေ..အနားယူရင်းဒါလေးသောက်ပါဦး”ဟုပြောရင်းလှမ်းပေးသည်။         ထော့ထိုင်းကအစိမ်းရောင်အထုပ်လေးကိုငေးကြည့်နေသည်။ထိုအထုပ်လေးကိုထော့ထိုင်း
တစ်ခါမျှမမြင်ဘူး။သောက်လည်းမသောက်ဘူး။အထဲတွင်ဘာတွေထည့်ထားမှန်း
လည်းထော့ထိုင်းမသိ။           “ဟဲ့..ဘာငေးနေတာလဲ။အဲ့ဒါ..ရယ်ဒီမိတ်လ္ဘက်ရည်ထုပ်၊ဖောက်ပြီးခွက်ထဲထည့်မွှေသောက်”ဟု ပြုံး၍ပြောရင်းဒေါ်ချိုလဲ့သာဆေးခန်းအတွင်းသို့ပြန်ဝင်သွားသည်။ထော့ထိုင်းသည်ဒေါ်ချိုလဲ့သာ
ကျောပြင်ကိုငေးမောရင်းကျန်ရစ်လေသည်။          ထော့ထိုင်းလ္ဘက်ရည်ထုပ်ဖောက်ထည့်အပြီးတွင်ခပ်နွေးနွေးရေပြင်ပေါ်တွင်ပေါလောပေါ်နေသော၊
အောက်သို့ပျော်ဝင်စိမ့်ကျနေသောအမှုန့်ပုံလေးကိုစူးစူးစိုက်စိုက်ကြည့်နေသည်။သူ့အမေဒေါ်မြရီ
ကိုလည်းသတိရနေပုံပေါ်သည်။ဒေါ်ချိုလဲ့သာပေးသောလ္ဘက်ရည်ကိုသောက်သာသောက်နေရသည် ၊မျိုမကျ။အနံ့ကစိမ်းရွှေရွှေ။သူသိပ်ကြိုက်ပုံမပေါ်။အရသာကလည်းသူ့အတွက်ပေါ့ရွှတ်ရွှတ်
ဖြစ်နေပုံရသည်။             ထော့ထိုင်းလ္ဘက်ရည်ခွက်ချပြီးအလုပ်ဆက်လုပ်သည်။သူဟန်ချက်ညီညီလွှဲလိုက်သောပေါက်ပြား ထက်ထက်၏ထိတွေ့မှုကြောင့်ထိုးထိုးထောင်ထောင်ထနေသောမြက်ပင်တို့သည်မြေသို့ဦးညွှတ်
ဝတ်တွားခယကြလေပြီ။နေလုံးကြီးသည်လည်းအနောက်ယွန်းယွန်းသို့ဖြည်းညင်း
ညင်သာစွာငုပ်လျှိုးကွယ်ပျောက်၍ည၏ပဋိသနွေ္မတည်ခါစအချိန်ရောက်သို့ရောက်ခဲ့ပါပြီ။
ထော့ထိုင်းအတွက်တစ်နေ့တာမျှော်လင့်ခြင်းအရောင်သန်းလာလေပြီ။         ထော့ထိုင်းအလုပ်သိမ်းပြီးချိန်တွင်“မနက်ဖြန်လည်းလာခဲ့ဦး”ဟုပြောရင်းဒေါ်ချိုလဲ့သာကငွေ
နှစ်ထောင်နှင့်လ္ဘက်ရည်ထုပ်တစ်ထုပ်ပေးလေသည်။ထော့ထိုင်းလည်းငွေနှစ်ထောင်ခါးလိပ်
၊ပေါက်ပြားထမ်းပြီးပြန်ခဲ့ရတော့သည်။လမ်းကွေ့ရောက်လျှင်”သာတိုး”လ္ဘက်ရည်ဆိုင်
သို့ဝင်ကာမိခင်ဒေါ်မြရီအတွက်လ္ဘက်ရည်ဝယ်ပေးရဦးမည်ဖြစ်ပါသည်။                        လ္ဘက်ရည်ဆိုင်ဘေးရှိနံပြားဖိုနားရောက်တော့စားပွဲထိုးကောင်လေးက”ထော့ထိုင်းပါဆယ်”
ဟုဖျော်ဆရာဘက်မျက်နှာမူ၍အော်လိုက်သည်။ထော့ထိုင်းပါဆယ်ဟုအော်လိုက်လျှင်
ဖျော်ဆရာသိသည်။ထော့ထိုင်းကနေ့စဉ်ဝယ်နေသူတစ်ယောက်လည်းဖြစ်သည်။               ထော့ထိုင်းကအစိမ်းရောင်အထုပ်လေးကိုစားပွဲထိုးကောင်လေးအား ကမ်းပေးရင်း  “ဒါလေးပါဖောက်ထည့်ပေးပါ”ဟုပြောတော့“ရွိုင်ရယ်နဲ့ထော့ထိုင်းရောမယ်။ရွိုင်ရယ်ထော့ထိုင်း ပါဆယ်”ဟုနောက်တစ်ခါထပ်အော်လေသည်။ထော့ထိုင်းလည်းပိုက်ဆံရှင်းအပြီးစားပွဲထိုး
ကောင်လေးပေးသောလ္ဘက်ရည်ပါဆယ်ထုပ်ကိုလှမ်းယူသည်။ထော့ထိုင်းတစ်ယောက်
စားပွဲထိုးကောင်လေးပြောလိုက်သော “ရွိုင်ရယ်ထော့ထိုင်း..ရွိုင်ရယ်ထော့ထိုင်း”ဟူသော
စကားကိုတတွတ်တွတ်ရေရွတ်ရင်းမိခင်ဒေါ်မြရီရှိရာအိမ်သို့ပြန်လာခဲ့လေသည်။          ထော့ထိုင်း၏တစ်နေ့တာဆန္ဒပြည့်ဝခဲ့လေပြီ။သူအလိုရှိသောလ္ဘက်ရည်နှင့်ဆန်ထုပ်ကသူတို့
သားအမိနှစ်ယောက်ဘ၀၏အထောက်အပံ့ဖြစ်ပါသည်။
                                
                         ********************************
             ထော့ထိုင်းအလုပ်သာလုပ်နေသည်ကိုယ်နှင့်စိတ်တစ်ထပ်တည်းမကျ။အလုပ်ကတခြားစိတ်က တခြားဖြစ်နေသည်။မနေ့ကစားပွဲထိုးကောင်လေးအော်လိုက်သော“ရွိုင်ရယ်ထော့ထိုင်း”
၏အဓိပါယ်ကိုသူသိချင်နေသည်။ဒေါ်ချိုလဲ့သာလာလျှင်မေးလိုက်ဦးမည်ဟုစဉ်းစား
ဆုံးဖြတ်လိုက်ပြီးလုပ်လက်စအလုပ်ကိုဆက်လုပ်နေလေသည်။             “ဒါလေးသောက်ပြီးနားပါဦး”ဟုပြောသံနှင့်အတူဒေါ်ချိုလဲ့သာရောက်လာသည်။ထော့ထိုင်းသည်
ဒေါ်ချိုလဲ့သာကိုင်ထားသောခွက်ပေါ်မှအစိမ်းရောင်လ္ဘက်ရည်ထုပ်လေးကိုလှမ်းယူရင်း               “အန်တီ..ကျွန်တော်ကိုဒီစာလုံးရဲ့အဓိပါယ်ရှင်းပြပါ”ဟုပြောသည်။            
“အဲ့ဒါ..အင်္ဂလိပ်လို အာအိုဝိုင်အေအယ်လ်၊ရွိုင်ရယ်တဲ့။မြန်မာလိုအဓိပါယ်ပြန်ရင်တော်ဝင်၊တော်ဝင် မိသားစုပေါ့။သူရဲ့နောက်မှာအရောင်တစ်ခုခုထည့်လိုက်ရင်တောက်ပတယ်ဆိုတဲ့အဓိပါယ်ထွက်
တယ်”ဟုဒေါ်ချိုလဲ့သာကရှင်းပြသည်။ပြီးတော့..               “မင်းဝှိုက်ဆိုတာသိလား..”               “သိပါတယ်အန်တီ..၀ှိုက်ဆိုတာအဖြူရောင်ကိုပြောတာပါ”              “ဒါဆိုရင်..ရွိုင်ရယ်ရဲ့နောက်မှာဝှိုက်ထည့်လိုက်ရင်တောက်ပတဲ့အဖြူရောင်ပေါ့။မင်းနာမည်ရှေ့မှာ ထည့်လိုက်ရင်ရွိုင်ရယ်ဝှိုက်ထော့ထိုင်း။တောက်ပတဲ့အဖြူရောင်ထော့ထိုင်းပေါ့ကွ။
အဲ့ဒါဂုဏ်ပုဒ်တွေလေ။ဂုဏ်ရှိတဲ့အရာဝတ္ထုတွေ၊နာမည်တွေရှေ့မှာထည့်သုံးတာပေါ့”               ဒေါ်ချိုလဲ့သာကပြောလက်စစကားကိုရပ်ပြီးထော့ထိုင်း၏အမူအရာကိုအကဲ
ခတ်ကြည့်လိုက်သည်  ထော့ထိုင်းအချိန်အနည်းငယ်စဉ်းစားနေပုံရသည်။ပြီးမှ..               “ကျွန်တော်နာမည်ရှေ့မှာအဲ့ဒီဂုဏ်ပုဒ်တွေထည့်လို့ရသလား..အန်တီ”             “မင်းရဲ့သန္တာန်မှာဖြူစင်တဲ့တရားတစ်ခုခုရှိရင်မင်းနာမည်ရှေ့မှာအဖြူရောင်ဆိုတဲ့ဂုဏ်ကို
ထည့်သုံးလို့ရတာပေါ့”ဟုပြန်ဖြေပြီးဒေါ်ချိုလဲ့သာလှည့်ထွက်သွားသည်။                 ဂုဏ်ဟူသည်မှာသတ္တိတစ်မျိုးသာဖြစ်၍အဖြူရောင်ဆိုသည်မှာစင်ကြယ်ခြင်းရိုးသားခြင်းတို့၏
ပရိယာယ်ပုဒ်ဖြစ်ကြောင်းထော့ထိုင်းသေချာမသိ။စင်ကြယ်ခြင်းရိုးသားခြင်းတို့သည်လည်း
ဂုဏ်ကိုလက်ခံထားသောအထည်ဒြပ်တစ်ခုမှာသာကိန်းရိုးထုံးစံရှိပါသည်။
ဂုဏ်ပုဒ်၌စင်ကြယ်ခြင်းရိုးသားခြင်းတို့မကိန်းနိုင်ပါ။                ထော့ထိုင်းသည်ခြေတစ်ဖက်မသန်သော်လည်းကိုယ်ကျင့်တရားတွေသန်မာပါ၏။အသားရောင် မဖြူသော်လည်းမေတ္တာစေတနာအရောင်တွေဖြူစင်ပါ၏။ဘ၀အရောင်မည်းမှောင်သော်လည်း
စိတ်ဓါတ်အရောင်တောက်ပြောင်ပါ၏။ထော့ထိုင်း၏အကြောင်းကိုဒေါ်ချိုလဲ့သာနှင့်တကွ
ရပ်ကွက်ထဲ၌နေသောသူအားလုံးသိကြပါလိမ့်မည်။
                             
                          ******************************
             ထော့ထိုင်းအိမ်ပြန်ချိန်နှင့်အတူနေလုံးကြီးကလည်းအနောက်ယွန်းယွန်းသို့ဦးတည်
ငုပ်လျှိုးနေလေပြီ။ယခုအချိန်ဆိုလျှင်မိခင်ကြီးဒေါ်မြရီလည်းထော့ထိုင်းကိုစောင့်မျှော်နေတော့မည်။          သာတိုးလ္ဘက်ရည်ဆိုင်နံပြားဖိုဘေးရောက်တော့စာပွဲထိုးကောင်လေးကလှမ်းအော်မည့်အပြု
ထော့ထိုင်းကလက်ကာပြသည်။ပြီးတော့အစိမ်းရောင်လ္ဘက်ရည်ထုပ်လေးကိုထောင်ပြလိုက်သည်။
ထိုအခါစားပွဲထိုးလေးက“ရွိုင်ရယ်ထော့ထိုင်း”ပါဆယ်ဟုဖျော်ဆရာဘက်လှည့်၍လှမ်းအော်
လိုက်သည်။လ္ဘက်ရည်ထိုင်သောက်နေသည့်လူများကထော့ထိုင်းကိုတလှည့်
စားပွဲထိုးကောင်လေးကိုတလှည့်ကြည့်ရင်းပြုံးနေသည်။           ခဏအကြာစားပွဲထိုးကောင်လေးကလ္ဘက်ရည်ပါဆယ်ထုပ်လာပေးတော့ထော့ထိုင်းက
ပိုက်ဆံရှင်းရင်းပြောသည်။            “ငါ့ညီ..အလယ်မှာတစ်လုံးကျန်သွားတယ်။              ရွိုင်ရယ်ထော့ထိုင်းမဟုတ်တော့ဘူး။              ရွိုင်ရယ်ဝှိုက်ထော့ထိုင်းကွ”
                                   
                           *************************
         
           ထော့ထိုင်းသည်ဒေါ်ချိုလဲ့သာချီးမြှင့်သည့် “ရွိုင်ရယ်ဝှိုက်”ဘွဲ့ထူးကိုသွားရာလမ်းတွင်
အသုံးပြုသည်။ရောက်ရာအရပ်တွင်ခေါင်းစဉ်တပ်သည်။ဇရပ်နံရံတွင်လည်းရေးသည်။သောက်ရေ
အိုးစင်မှာလည်းရေးသည်။             ရပ်ကွက်ထဲရှိလူများကလည်းထော့ထိုင်း၏ပြောင်းလဲလာသောအမူအကျင့်အပေါ်
တအံ့တသြဖြစ်ကြသည်။ထော့ထိုင်းကိုတွေ့လျှင်တစ်ဦးနှင့်တစ်ဦးမျက်စပစ်ပြသည်။
မျက်စောင်းချိတ်သည်။ထော့ထိုင်း၏အဆိုးဝါးဆုံးအပြုအမူမှာရပ်ကွက်ထဲနေသူတို့စုပေါင်း
လှုဒါန်းထားသောအုတ်တံတိုင်းမှာရွိုင်ရယ်ဝှိုက်ထော့ထိုင်းပြုလုပ်သည်ဆိုသည့်စာကြောင်းအား
သွားရေးခြင်းဖြစ်ပါသည်။                 ဒေါ်ချိုလဲ့သာသည်မြင်းပြေးကိုချိုတပ်၍ မျောက်လက်သို့မောင်းအပ်ခဲ့ပါပြီ။အကယ်၍ “ကိုယ့်ဂုဏ်ကိုဖော်မသူတော်”ဟုရပ်ကွက်အတွင်းနေထိုင်သောသူများကကဲ့ရဲ့စကားပြောခဲ့လျှင်
ပြန်လည်၍တုံ့ပြန်ချေပနိုင်သောစကားတစ်ခွန်းကိုသင်မပေးလိုက်ခြင်းမှာမေ့များမေ့နေ၍လား
။ကြိုတင်တွေးမထားမိခြင်းလားဒေါ်ချိုလဲ့သာအသိဆုံးဖြစ်ပါလိမ့်မည်။         သင်္ခါရဓမ္မ၏လုပ်ဆောင်ချက်ကတိကျသည်။သေသပ်လှပသည်။ဦးနှောက်ကင်ဆာဆိုသည့်ရောဂါ ကဒေါ်ချိုလဲ့သာကိုလောကအပြင်သို့ပုတ်ထုတ်ခဲ့ပါပြီ။ရပ်ကွက်အနောက်ဘက်သုဿာန်ထဲရှိအုတ်ဂူဖြူဖြူထဲ တွင်ဒေါ်ချိုလဲ့သာတစ်ယောက်သက်မဲ့ခန္မွာအဖြစ်ဖြင့်ငြိမ်သက်စွာလဲလျောင်းနေလေပြီ။အရာရာကိုမမြင်နိုင်။ မကြားနိုင်တော့ပါ။                   လောကအတွင်းကျန်ရှိနေသူများကတော့ဒေါ်ချိုလဲ့သာ၏အုတ်ဂူဖြူဖြူတွင်ရေးသားထားသော
အောက်ပါစာကြောင်းသုံးကြောင်းကိုမြင်နိုင်ပါလိမ့်မည်။
ဒေါက်တာဒေါ်ချိုလဲ့သာ           အသက် ( ၅၂ ) နှစ်           ၁၃-၃-၂၀၀၃ နေ့တွင်ကွယ်လွန်သည်။                                           ထိုအုတ်ဂူဖြူဖြူလေးကိုလည်းရွိင်ရယ်ဝှိုက်ထော့ထိုင်းပြုလုပ်ပေးခဲ့မှန်းဒေါ်ချိုလဲ့သာ
သိမသွားသည်မှာသေချာပါသည်။
                                                                                       
                                                          မောင်ခန့်မြေ (ထီလာ)                  

picoodle.com

အလွမ်းသင့်စကားလုံးလေးများ

ကဗျာနှင့်အိပ်မက်ထဲလမ်းလျှောက်ကျင့်တဲ့ကျွန်တော်ကအိပ်မက်ထဲလမ်းလျှောက်ကျင့်ဖို့ကဗျာနှင့်အတူကြိုဆိုပါတယ်။အားလုံးကိုယ်ကျန်းမာစိတ်ချမ်းသာစွာဖြင့်ခမ်းနားတောက်ပတဲ့ဘ၀တွေကိုပိုင်ဆိုင်နိုင်ပါစေလို့ဆုတောင်းပေးပါတယ်ခင်ဗျာ..။

About Me

My Photo
Mg Khant Myay (Htila)
View my complete profile

Followers

အလွမ်းသင့်ရှိုက်သံ

Myanmar Calendar





Pages

You can replace this text by going to "Layout" and then "Page Elements" section. Edit " About "