ကဗျာနှင့်အိပ်မက်ထဲလမ်းလျှောက်ကျင့်တဲ့ကျွန်တော်

ဓာတုဗေဒဆိုးဆေးတွေနဲ့
အချဉ်ပေါင်းဘမ်းအောက်မှာ
ကျွန်မတို့ရဲ့ပညာရေးတွေမြုပ်ကုန်ပြီ ။

လူတစ်ယောက်ရဲ့အခွင့်အရေးဆိုတာ
ရတနာပုံသာဆုတောင်းပြည့်ဘုရားမုဒ်ဦးက
စံပါယ်ပန်းကုန်းနဲ့ခိုစာဇလုံတွေလား..
မသိလို့မေးလိုက်တာပါရှင် ။

ကျွန်မတို့ရဲ့လက်က
ကမ္ဘာကြီးကိုထွန်းညှိဖို့လေ
ခပ်ဖျော့ဖျော့တက်ထရွန်လုံချည်စိမ်းနဲ့
ဖားဥစွဲနေတဲ့အင်္ကျီဖြူတစ်ထည်တောင်
ဝတ်ခွင့်မရတာတော့
ရင်နာပါတယ်..ဘ၀ရယ် ။

သင်ယူမှုမရှိဘဲ ရှင်နေတာထက်
သေပြီးမသင်ရတာကပိုမြတ်မယ်မထင်ပါနဲ့
ဒါပေမယ့်..စိတ်ဓာတ်တွေကဘယ်တော့မှမသေဘူး
ပိုလီယိုရောဂါမစွဲတဲ့ကျွန်မတို့ခြေထောက်တွေက
စာသင်ခန်းဆီကိုသွားနိုင်ပါတယ် ။

ဒီနေ့အဖေ့ရဲ့ဆိုက္ကားဘီးဂွေခွင်နေလို့လား
အမေ့ရဲ့အမှိုက်သိမ်းခေါင်းလောင်းလေးငြိမ်နေလို့လား
ကျွန်မတို့ဗိုက်တွေငလျင်ကြောပေါ်ရောက်နေပြီလေ ။

နားကြပ်တပ်ထားတဲ့လောကကြီးက
ယူပါကယ်ပါဆိုတဲ့အသံကိုကျောခိုင်းလို့ ။

ကျွန်မတို့ကိုပေါင်မုန့်တစ်ဖဲ့စီမကျွေးပါနဲ့
ရှင်တို့ရဲ့အတ္တတစ်ဖဲ့စီခွင့်ကျွေးပါ ။

လောကဓံတံခါးကိုခေါင်းတိုက်ဖွင့်နေရတော့
ဘယ်ပြုံးနိုင်ပါမလဲ
ဒါကို မရှိအကျည်းတန်တဲ့ ။

ရှင်တို့လည်ပင်းကစိန်ဘယက်တွေထက်
ရှင်တို့ရဲ့နူးကလီးယားလက်နက်တွေထက်
ကျွန်မတို့မေတ္တာလက်နက်က
စကြာဝဠာအဆုံးထိပစ်နိုင်တယ် ။

တစ်ခုတောင်းဆိုချင်တာလေ
ကျွန်မလိုကောင်းကင်ပျောက်ကြယ်တွေ
ဘယ်အချိန်မှာလင်းခွင့်ပေးမလဲပေါ့ ။

                       မောင်ခန့်မြေ (ထီလာ )

သူ့ရဲ့လက်ဖနောင့်အနှိပ်
ဘယ်ခြေရွရွလေးနင်းမှ
အသက်ရှုချောင်သလိုလို
လေကောင်းလေသန့်ရသလိုလို ။

ကျွန်မတို့ကထိုင်လိုက်နေတာပါ
ရှင်တို့ကို အသက်တွေ
ရာထူး စည်းစိမ်တွေပုံအပ်ထားလေ ။

နောက်ပြန်ကြည့်မနေပါနဲ့
ကျန်ခဲ့တာကိုချန်ထားခဲ့ရုံပေါ့
ရှေ့ကလူတွေကလည်း
စည်းကမ်းမဲ့လမ်းကြောပိတ်လို့
နောက်ကလူတွေကလည်း
အခွင့်အရေးအပြည့်လမ်းတောင်းလို့ ။

စည်းကမ်းဆိုတဲ့စာရွက်ကြီးကပ်ပြီး
နည်းနည်းတော့သောက်ထားသေးတယ်ပေါ့
ဒါပေမယ့်..ရှင်တို့ကလမ်းကြောကျွမ်းပါတယ်
မမောင်းလည်းမူးနေကြမို့လား ။

မြို့တစ်မြို့ရဲ့တစ်ထောက်နားစခန်းတိုင်းမှာ
ရှင်တို့ကအမွန်အမြတ်တွေကို
အလျှံအပယ်စားကြ
ခေါက်ချိုးကျနေတဲ့သီအိုရီတစ်ခုလို
ကျွန်မတို့ကထိုင်ကြည်ရ ။

အဓိကကတော့ခရီးဆုံးရောက်ဖို့ပါ
တစ်စုံတစ်ခုဖြစ်ခဲ့ရင်တောင်
နှစ်ဆပြန်မလျော်ပါနဲ့
ကျွန်မတို့လူမျိုးကသဘောထားကြီးပါတယ် ။

ရှင်နားထောင်နေတဲ့သီချင်းသံကို
နည်းနည်းလေးတိုးလိုက်ပါ
နောက်မှာ..
ကလေးတွေငိုကုန်ပြီ
မနက်ဖြန်ဆိုကျောင်းဖွင့်ပြီ
ဆေးရုံကြီးကိုအချိန်မီရောက်ပါ့မလားဆိုတဲ့အသံတွေ ။ ။

                      မောင်ခန့်မြေ ( ထီလာ )

Write a comment

Posted via Blogaway

ရှဥ့်လည်းလျှောက်ပါ
ပျားလည်းစွဲပါ
ငါလည်း..သစ်ကိုင်းခြောက်ပေါ်မှာ ။

                 မောင်ခန့်မြေ (ထီလာ)