ကဆုန်လပြည့်နေ့မရောက်ခင် နှစ်ရက်သုံးရက်ကြို၍ ဇာတိမြို့လေးသို့ ကျွန်တော်ပြန်ရသည်။
ကဆုန်လပြည့်နေ့သည် ကျွန်တော်နေထိုင်ခဲ့ဖူးသော ချက်မြှုပ်ရပ်ကွက်လေး၏ ဆုတောင်းပြည့်ဘုရား
ပွဲကျင်းပသည့်နေ့ဖြစ်သည်။ဘုရားပွဲကလည်း ကျွန်တော်ပါမှပွဲပြီးသည်မဟုတ်။မပါလျှင်လည်းပွဲစည်
သည်။ကျွန်တော်ကိုယ်တိုင်ကိုက မှတ်မှတ်ရရဖြစ်နေချင်၍ပြန်ခြင်းဖြစ်သည်။
          အဖေအလယ်တန်းကျောင်းအုပ်ဘ၀မှပင်စင်ယူခဲ့ပြီးနောက် ဆုတောင်းပြည့်ဘုရားလူကြီး
အဖြစ်ဖြင့်နှစ်ပေါင်းများစွာလုပ်ကိုင်ခဲ့ပါသည်။အဖေသည်အလုပ်လုပ်ရာတွင်ရိုးသားသည်။တည်ကြည်သည်။
စကားပြောရာတွင်ပျူငှာဖော်ရွေသည်။ဆုံးဖြတ်ချက်ချလျင်ပြတ်သားသည်။ဘက်မလိုက်ပဲ
အဂတိကင်းသည်။ထို့ကြောင့်အဖေ့ကိုရပ်ကွက်တွင်းရှိ လူအများကရိုသေလေးစားကြသည်။ရပ်ကွက်
ထဲတွင်အဖေသည်လူတော်ဟုပြောရန်ခဲယဉ်းသော်လည်းလူကောင်းတစ်ယောက်၏စံချိန်စံညွှန်းက
တော့အပြည့်ရှိမည်ထင်ပါသည်။
          ကျွန်တော်ပြန်သည့်အခါတိုင်း ရပ်ကွက်အ၀င်လမ်းထိပ်ရောက်လျှင် မငြိမ်းလှက အာလုပ်သံ
ကြီးဖြင့်ဦးစွာနှုတ်ဆက်တတ်သည်။ယခုလည်း..။
        “ ဇာနည်ထွန်း…ဘုရားပွဲလာတာလား။ကြည့်ပါဦး..ပုံစံကလည်းကိုလှထွန်းကြီးအတိုင်းပဲ”
          ထိုကဲသို့နှုတ်ဆက်သည့်အခါမျိုးတွင် ကျွန်တော်ရင်ထဲနွေးကနဲ ခံစားရသည်။
                       
                           Xxxxxxxxxxxxxxxxxxxxxxxxxxxxxxxxxxx

                       နေရောင်တောက်၍လားမသိ။ဘုရား၏ရွှေသင်္ကန်းတော်က၀င်းမွတ်ညက်လဲ့နေသည်။
ဆွဲလည်းအချင်းချင်းရိုက်သံက အေးငြိမ်းမှုဧရိယာထဲဝင်ရောက်နေပြီဟု အချက်ပေးနေသယောင်ယောင်..။
          ဆုတောင်းပြည့်ဘုရားရောက်တိုင်းဘယ်သောအခါမျှနောင်တရမည့်အလုပ်မလုပ်ရပါလို၏ဟု
ဆုတောင်းဖြစ်သည်။ကျွန်တော်နောင်တတွေဖြင့်မနေချင်ပါ။အဖေကလည်း နောင်တရမည့်အလုပ်ဆို
ဘယ်တော့မှအားမပေးခဲ့။
           ဘုရားဝတ်ပြု၊ရင်ပြင်ပေါ်တံမြက်စည်းလှည်းအပြီးအောက်ဆင်းလာခဲ့သည်။ဓမ္မာရုံနားရောက်
တော့ငယ်စဉ် ကလေးဘ၀ပြန်သတိရမိသည်။ကလေးဆိုသော်လည်းဆယ်နှစ်ကျော်သိတတ်စ
အရွယ်..။      
          အဖေကနွေရာသီကျောင်းပိတ်လျှင်ဓမ္မာရုံအတွင်းမှာယဉ်ကျေးမှုသင်တန်းဖွင့်သည်။အဖေ၏
သင်တန်းလိုက်တက်ရင်းဖြင့်ဗုဒ္မ၀င်အကျဉ်းနှင့်မင်္ဂလသုတ်စသည်တို့ကိုကလေးဘ၀ကတည်းက
ထိတွေ့ခွင့်ရခဲ့သည်။
          “ အသေ၀နာ စ ဗာလာနံ “ မှာလူမိုက်ကိုမပေါင်းနဲ့ဆိုတာလူကောင်းမလုပ်တဲ့အလုပ်လုပ်လို့
လူမိုက်လို့ပြောတာကွ။လူမှမဟုတ်ဘူး။အကောင်းနဲ့ဆန့်ကျင်နေရင်လူမိုက်ပေါ့ကွာ။ဥပမာ..ကွမ်းယာ
တို့..ဆေးလိပ်တို့..အရက်တို့ဆိုတာလူတစ်ယောက်အတွက်အကောင်းလား..။အဆိုးလား..။အဆိုး
ဆိုရင်ဗာလထဲထည့်ပေါ့ကွ ။ မပေါင်းနဲ့ပေါ့ ။ကောင်မလေးတွေဆိုလည်း လက်သည်းနီတို့..နှုတ်ခမ်းနီ
တို့ဆိုတာ မရှိမဖြစ်လိုတာမှမဟုတ်တာ။မလိုရင် ဗာလထဲထည့်” ဟုဆိုကာတပည့်တွေကိုဖြန့်ကျက်
တွေးခေါ်နည်းပါသင်ပေးခဲ့သည်။
          ကျွန်တော်တွေးမိပါသည်။ယခုခေတ်လူငယ်များသည်ဆံပင်များကိုရွှေအိုရောင်၊အနီရောင်
အမျုိုးမျိုးဆိုးနေကြသည်။အဖေစကားအရဆိုလျှင်ဗာလတွေခေါင်းပေါ်တင်ထားသည်ဟုဆိုနိုင်ပါသည်။
          အဖေ၏နွေရာသီသင်တန်းတွင်ယဉ်ကျေးမှုဘာသာရပ်အပြင်ရှစ်လုံးဖွဲ့၊လေးလုံးစပ်ကဗျာ  ၊
လေးချိုး ၊ ဒွေးချိုး ၊တေးထပ်စသည့်ဂန္ထ၀င်စာပေများကိုလည်းသင်ကြားပေးခဲ့သည်။များသောအားဖြင့်
အဖေသင်တန်းတက်ဖူးသောလူငယ်အပေါင်းသည်မြန်မာစာပေယဉ်ကျေးမှုနှင့်သိပ်မစိမ်းလှ။
      အလယ်တန်းကျောင်းသားဘ၀ရောက်တော့ဘေးအိမ်မှအဘဦးတင်ဝင်းကကျွန်တော်ကို
ပြောဘူးသည်။
          “မင်းအဖေရဲ့စာပေသြဇာနဲ့ရိုးဂုဏ်ကိုမှီတဲ့သူရပ်ကွက်ထဲမှာမမြင်သေးဘူးကွ။မင်းလည်း
မင်းအဖေလိုဖြစ်အောင်ကြိုးစား”
          အဖေအကြောင်းကိုအဖေနှင့်အနီးကပ်နေသောကျွန်တော်အသိဆုံးဖြစ်သည်မို့အဘတင်ဝင်း
စကားကိုပြန်လည်မတုံ့ပြန်ဘဲနားထောင်ရုံသာနားထောင်ခဲ့သည်။

                              xxxxxxxxxxxxxxxxxxxxxxxxxxxxxxxxxxx

       ကျွန်တော်ဆယ်တန်းဖြေအပြီးကျောင်းပိတ်တော့ အဖေက ဆုတောင်းပြည့်ဓမ္မာရုံလေးထဲမှာ
အဘိဓမ္မာသင်တန်းဖွင့်သည်။သင်တန်းတက်ရောက်သူတွေကကျွန်တော်နှင့်ပါဆိုလျှင်အယောက်
ငါးဆယ်ဝန်းကျင်ရှိမည်ထင်ပါသည်။
          သင်တန်းပထမနေ့စဖွင့်တော့ဆရာဇော်ဂျီ၏ “ သင်သေသွားသော် “ကဗျာကိုချဉ်းကပ်နည်း
အမျိုးမျိုးဖြင့်ချဉ်းကပ်ပြသည်။ဆရာ၏အာဘော်ကိုလည်းရှင်းပြသည်။
          “ဆရာက ပထမပိုဒ်ကို သံဝေဂနဲ့စဖွင့်ပြတာကွ။သံဝေဂဆိုတာကလည်းဇာတိ၊ဇရာ၊ဗျာဓိ၊မရဏ
တို့ကထိတ်လန့်တာကိုပြောတာ”
          ကျွန်တော်နှင့်တကွသင်တန်းသူသင်တန်းသားအားလုံးတို့၏အရွယ်ကိုသုံးပိုင်းပိုင်းလိုက်ပါက
ပထမအရွယ်မှာပင်အဖေ့ကျေးဇူးကြောင့်သံဝေဂကိုထင်းထင်းကြီးမြင်ခဲ့ရသည်။
          “ကိုယ့်နိုင်ငံ၊ကိုယ့်လူမျိုး၊ကိုယ့်စာပေကိုလည်းတိုးတက်အောင်ဆောင်ရွက်ရမယ်ဆိုပြီး ဆရာက
မသေခင်လုပ်ရမယ့်အလုပ်ကိုဒုတိယပိုဒ်မှာပြသွားတာ။မင်းတို့..ဆရာရဲ့စကားနားထောင်ကြ။ဒီကဗျာ
တစ်ပိုဒ်ကိုသေသေချာချာတွေးရင် မျိုးစောင့်ဥပဒေပေါ့ကွာ ။မဖြစ်မနေလိုက်နာကြ။”  
          ကျွန်တော်သည်အဖေ၏သားအဖြစ်ဖြင့်၎င်း၊တပည့်အဖြစ်ဖြင့်၎င်းဖြစ်ခွင့်ရသည်မှာကံကောင်း
ပါသည်။အခြားတပည့်များလည်းကျွန်တော်နည်းတူဖြစ်ပါလိမ့်မည်။အဖေ၏ကျေးဇူးကြောင့်နိုင်ငံတော်က
တရားဝင်ပြဌာန်းမထားသောမျိုးစောင့်ဥပဒေကိုဆရာဇော်ဂျီ၏ကဗျာထဲမှတွေ့ခဲ့ရသည်။
          “အောက်ဆုံးအပိုဒ်ကတော့သာသနိကအဆောက်အဦးတွေ၊ဘုရားပုထိုး၊ကျောင်းကန်၊စေတီ၊
ဇရပ်တွေကို်ပြုပြင်ထိန်းသိမ်းရမယ်ဆိုပြီးရုပ်ဝတ္ထုပိုင်းတိုးတက်ဖို့ပြောသွားတာ၊အဇ္ဈတ္တပိုင်းကြည့်ရင်
လည်းမင်း၊အမတ်ကစလို့တိုင်းသူပြည်သားတွေအားလုံးကိုယ်ကျင့်သီလမြဲပြီးအချင်းချင်းရန်မဖြစ်ကြဖို့
မေတ္တာတရား၊ကရုဏာတရားတွေပွားပြီးဗြဟ္မစိုရ်တရားနဲ့အညီနေဖို့ပြောသွားတာကွ။လိုက်နာကြ”
          အဖေသည်အဘိဓမ္မာသင်တန်းဖွင့်ပွဲကိုဆရာဇော်ဂျီ ၏ကဗျာတစ်ပုဒ်ဖြင့်ဖွင့်လှစ်လိုက်သည်။
ထိုနေ့က အဖေသည်ကျွန်တော်တို့၏ဦးနှောက်ထဲသို့မြန်မာနိုင်ငံမြေပုံတစ်ပုံစီထိုးထည့်လိုက်သည်ဟု
ထင်မိပါသည်။

                                 xxxxxxxxxxxxxxxxxxxxxxxxxxxxxxx

       .ဆုတောင်းပြည့်ဘုရားအရှေ့ဘက်ရှိညောင်ပင်ကြီးက၀န်းဝိုင်း၍ဖားဖားကြီးဖြစ်နေပြီ။ညောင်ပင်
ပေါ်ကဇရက်၊ကျီး၊ငှက်စသောငှက်မျိုးစုံတို့ကညောင်သီးတွေကိုကိုက်ဖဲ့စားသုံးခြွေချနေသည်။ဒီမြင်ကွင်း
တွေမြင်တိုင်းကျွန်တော်ရင်ထဲက၀မ်းမြောက်ခြင်းတွေလျှံကျတတ်သည်။ပြီးတော့အဖေ့ကိုလည်း
တမ်းတမိသည်။
    ညောင်ပင်၏သက်တမ်းကနှစ်နှစ်ဆယ်ကျော်ထဲရောက်နေပြီဖြစ်သည်။ထိုညောင်ပင်ကိုလည်းအဖေ
စိုက်ခိုင်းခြင်းကြောင့်ကျွန်တော်စိုက်ဖြစ်ခဲ့သည်။ကျွန်တော်စိတ်ကူးနှင့်ကျွန်တော်စိုက်သည်မဟုတ်။
အဖေကအဘိဓမ္မာသင်တန်းပျက်ကွက်၍အပြစ်ပေးခြင်းဖြစ်သည်။
          “မင်းမနေ့ကဘာလို့သင်တန်းမတက်တာလဲ”
          “ကျွန်တော်သူငယ်ချင်းဒုလ္လဘရဟန်းဝတ်မှာမို့ဆရာတော်လိုက်လျှောက်ပေးလို့ပါ..။လမ်းမှာ
တွေ့တွေ့ချင်းခေါ်သွားတာမို့အဖေ့ကိုမပြောဖြစ်တာပါ။”
          မေး၍သာဖြေလိုက်ရသည်။အဖေကသူ၏သင်တန်းပျက်ကွက်လျှင်ကြိုက်သူမဟုတ်။   
          နောက်တစ်နေ့သင်တန်းချိန်ပြီးတော့အတန်းသားတွေကြားထဲမှာအဖေကကျွန်တော့်ကိုပြော
သည်။
          “ဇာနည်ထွန်း..မင်းမပြန်သေးနဲ့ဦး။မင်းမှာအပြစ်ရှိတယ် “ဆို၍သစ်ပင်တစ်ပင်တူးခဲ့ခိုင်းသည်။
ကျွန်တော်လိုက်ရှာတော့ဘုရားအနောက်ဘက်ကန်ဘောင်ပေါ်ကပေါက်ခါစညောင်ပင်တစ်ပင်တူးခဲ့၍
အဖေ့ကိုပေးသည်။
           “ဒီနေရာမှာ စိုက် ”ဟုပြောရင်းအဖေကလက်ညှိုးညွှန်ပြသည်။ကျွန်တော်တွင်းတူးပြီးသစ်ပင်
စိုက်တော့အဖေက ဆုံးမစကားပြောသည်။
         “လူဆိုတာ..သစ်ပင်လိုကျင့်ရတယ်ကွ..သစ်ပင်ဆိုတာသူသီးတဲ့အသီးသူပြန်မစားဘူး..သူ
က သူများစားဖို့သီးပေးတာ..မင်းလည်းသစ်ပင်လိုကျင့်ပေါ့ကွာ”
            အဖေ့စကားတွေကကျွန်တော့်ဘ၀အတွက်အားဖြစ်စေခဲ့သည်။အတ္တအစိုင်အခဲတွေကိုဖဲ့ချနိုင်
ခဲ့သည်။အဖေ့စကားလုံးတို့ဖြင့်ဖြူစင်စွာကြီးပြင်းခဲ့ရသည့်ကျွန်တော့်ဘ၀ကသေသပ်တိကျလှပခဲ့သည်။

                     xxxxxxxxxxxxxxxxxxxxxxxxxxxxxxxxxxxxxxxxx

           လပြည့်ညတစ်ည၏လရောင်ကအမေ့မျက်နှာနှင့်အပြိုင်ချမ်းအေးဝင်းမွတ်နေသည်။နယုန်
လပြည်နေ့သည်ကျွန်တော်တို့မောင်နှမအားလုံး၏တွေ့ဆုံပွဲနေ့ဟုလည်းဆိုနိုင်ပါသည်။
          “သားကြီး..ဘုရားရောက်ခဲ့ပြီလား”
          “ရောက်ခဲ့ပြီးပါပြီ..အမေ”
          “သားကိုထမင်းစားဖို့စောင့်နေတာ”
          ကျွန်တော်ထမင်းစားစားပွဲမှာဝင်ထိုင်လိုက်တော့အရင်အတိုင်းမိသားစုခြောက်ယောက်။
သို့သော်..တစ်ခုတော့ပြောင်းလည်းသွားသည်။အရင်အဖေထိုင်ခဲ့သည့်နေရာမှာကျွန်တော်ထိုင်ပြီး
ကျွန်တော်နေရာမှာအမကြီး၏သားကထိုင်သည်။အဖေရှိစဉ်ကတည်းကသားသမီးများအတွက်အမွေ
ကိုထမင်းဝိုင်းလေးမှာဘဲအမေ့ဆန္ဒဖြင့်အေးအေးဆေးဆေးကျင်းပခဲ့သည်။အမေပြောသည့်စကားကို
လည်းမှတ်မိသေးသည်။အလွန်ရိုးအေးပြတ်သားလွန်းတဲ့..အမေ။
             “ကျွန်မသက်သောင့်သက်သာသေချင်တယ်..ကိုလှထွန်း”
သားသမီးတွေကိုမသေခင်အမွေခွဲပေးချင်တယ်ဟုအမေကပြောတော့အဖေကပြုံးစိစိနှင့်စကား
တစ်ခွန်းသာပြောသည်။
          “သားသုံးယောက်ကိုပိုက်ဆံနှစ်ရာဆီပေးပြီးအခန်းပြည့်အောင်ဖြည့်ခိုင်းတဲ့ပုံပြင်ထဲကလို
ပေါ့ကွာ။ပညာရှိတဲ့သူကတော့ဖယောင်းတိုင်နဲ့မီးခြစ်ဝယ်ပြီးထွန်းပြလိုက်တာပဲ။မင်းတို့လည်းယူတတ်
သလိုယူပေါ့။မိဘအမွေဆိုတာထိုက်သူမှရတာ”
          အမေကပဲကမကထလုပ်၍ခွဲပေးသည်။အမကြီးတို့မိသားစုကစီးပွားဥစ္စာချို့တဲ့သောကြောင့်
အတွင်းပစ္စည်းတွေအားလုံးယူရန်သဘောတူကြသည်။အမငယ်ကတော့ရာထူးရောဥစ္စာပါချို့တဲ့သူ
မဟုတ်၍ပေးစရာမလို။သို့သော်..အမငယ်သားအကြီးကောင်ကလိုချင်သည်ဆို၍လက်ရာမြောက်လွန်း
သည့်နှစ်ပါးသွားကကွက်ပန်းချီကားတစ်ချပ်ယူသွားသည်။အငယ်ဆုံးသားကိုတော့အမေကအိမ်နှင့်ဝိုင်း
ပေးလိုက်သည်။ကျွန်တော်ကတော့ထိုအချိန်တွင်လူပျိုလူလွတ်အရာရှိတစ်ယောက်ဖြစ်နေ၍ဘာမျှ
မရလိုက်။ကျွန်တော်ကလည်းမလိုချင်။ပေးရင်လည်းငြင်းမည်သာဖြစ်သည်။
          ထိုနေ့ကအမေဆန္ဒနှင့်ထပ်တူကျသောအမွေခွဲဝေပွဲလေးကငြိမ်းငြိမ်းချမ်းချမ်းပြီးဆုံးသွားသည်။
အမေသည်လည်း အဖေကိုအိမ်ဦးနတ်အဖြစ် ကိုးကွယ်ခွင့်ရသည့်အတွက်နောက်ဆုံးထွက်သက်ထိ
ကျေနပ်နေမည်ထင်ပါသည်။  
                          
                                   Xxxxxxxxxxxxxxxxxxxxxxxxxxxxxx

          ဘုရားပွဲပြီးပြီဆိုလျှင်ကျွန်တော်တာဝန်ကျရာအရပ်သို့ပြန်ရသည်။ကြာကြာနေချင်သော်
လည်းခွင့်ရက်များများမရ။
          ကျွန်တော်ပြန်မည့်နေ့တိုင်းဆုတောင်းပြည့်ဘုရားသွားကန်တော့သည်။ညောင်ပင်ကြီးကို
အလွမ်းပြေနှုတ်ဆက်သည်။အဖေ၏ကျေးဇူးတရားကိုလည်းဦးခိုက်သည်။
          “ဟေ့..ဇာနည်ထွန်း..ဒီနေ့ပြန်မှာလား”
          အသံလာရာလှည့်ကြည့်တော့မငြိမ်းလှဖြစ်နေသည်။
          “ဟုတ်ကဲ့..မငြိမ်းလှ”
          “ညောင်ပင်ကြီးကတော့ဟန်ကျသဟေ့။နင့်အဖေရှိတုန်းကဆိုညောင်ပင်အောက်ကနေပြီး
ရေခပ်လာတဲ့လူတွေကို..ဒါ..ငါ့သားစိုက်ခဲ့တဲ့သစ်ပင်လို့ပြောပြောပြီးနှုတ်ဆက်တာတော့”
          ကျွန်တော်..မငြိမ်းလှစကားကြား၍အံ့သြခြင်းများစွာဖြင့်ဝမ်းနည်းဝမ်းသာဖြစ်မိသည်။
          “ခဏနေရင် ရပ်ကွက်ထဲကလူတွေဒီအပင်အောက်ညောင်ရိပ်လှုံလာတော့မှာ”
          “ဘာဖြစ်လို့လဲဗျ”
          “အခုနောက်ပိုင်းနွေရာသီရောက်ရင်အရင်ကထက်ပိုပူလာတယ်လေ။အသက်ကြီးတဲ့သူတွေနဲ့
ကလေးအမေတွေဆိုရင်ရပ်ကွက်ထဲမှာပူလို့မနေနိုင်ဘူး”
          ကျွန်တော်မငြိမ်းလှကိုနှုတ်ဆက်အပြီးညောင်ပင်အောက်ကအထွက်ငှက်ဆိတ်ရာထင်နေသော
ညောင်သီးမှည့်ကရှေ့တည့်တည့်ကြွေကျသည်။အပင်ပေါ်မော့ကြည့်တော့ငှက်ပေါင်းစုံအကောင်လေး
ငါးရာတော့ရှိမည်။သို့သော်..ကျွန်တော်မရောင့်ရဲနိုင်ပါ။ငှက်တစ်သောင်းလောက်တော့ကျွန်တော့်
သစ်ပင်မှာနားစေချင်သည်။
          မငြိမ်းလှပြောသွားသည့်စကားထဲမှစကားအပိုင်းအစတစ်ခုကနားထဲကမထွက်..။
          “ညောင်ရိပ်လှုံ”တဲ့..။
                 
                                Xxxxxxxxxxxxxxxxxxxxxxxxxxxxxx

                       နှုတ်ခွန်းဆက်သပါ၏ဟူသောမြို့ထွက်ဆိုင်းဘုတ်လေးမြင်တော့ရင်မှာနာကျင်ရသည်။
ကျွန်တော်လည်းကျွန်တော့်ဆန္ဒကိုဖော်ထုတ်ရဦးမည်။ကျွန်တော်သည်ယခုအချိန်တွင်ဖခင်တစ်ယောက်
ဖြစ်နေပြီ။ကျွန်တော်၏သားသမီးများကိုလည်းသံသရာထိသယ်ဆောင်နိုင်သောအမွေအဖြစ်သစ်ပင်
တစ်ပင်နှင့်ကဗျာတစ်ပုဒ်လောက်တော့ပေးခဲ့ချင်ပါသည်။
                                                                                   
                                                                          မောင်ခန့်မြေ (ထီလာ)

0 comments:

Post a Comment

အလွမ်းသင့်စကားလုံးလေးများ

ကဗျာနှင့်အိပ်မက်ထဲလမ်းလျှောက်ကျင့်တဲ့ကျွန်တော်ကအိပ်မက်ထဲလမ်းလျှောက်ကျင့်ဖို့ကဗျာနှင့်အတူကြိုဆိုပါတယ်။အားလုံးကိုယ်ကျန်းမာစိတ်ချမ်းသာစွာဖြင့်ခမ်းနားတောက်ပတဲ့ဘ၀တွေကိုပိုင်ဆိုင်နိုင်ပါစေလို့ဆုတောင်းပေးပါတယ်ခင်ဗျာ..။

About Me

My Photo
Mg Khant Myay (Htila)
View my complete profile

Followers

အလွမ်းသင့်ရှိုက်သံ

Myanmar Calendar

Pages

You can replace this text by going to "Layout" and then "Page Elements" section. Edit " About "