ငါကလူမုန်းမှာမကြောက်ဘူး။ကံမုန်းမှာဘဲကြောက်တယ်။”
 ( ဘဒ္ဒန္တရာဇဓမ္မာဘိဝံသ-မစိုးရိမ်တုိုက်သစ်မဟာနာယကချုပ် ) ကျွန်တော်ဤစာကြောင်းလေးကိုမစိုးရိမ်ငွေလ၀န်းစာအုပ်၏နောက်ကျောတွင်မြင်လိုက်ရပါသည်။ စာကြောင်းအရှည်ကတစ်မိုက်ပင်မပြည့်ချင်။သို့သော်..သံသရာအဆုံးထိအတွေးတွေကိုဆွဲငင် မျှားယူနေသလို..။
 ××××××××××××××××××××××××××××××
 “ အူမတောင့်မှသီလစောင့်မယ် ”ဆိုသောစကားမျိုးမကြာခဏကြားနေရသည်။
တစ်ထွာလောက်ရှိသောဝမ်းကိုအကြောင်းပြု၍သမုဒ္ဒရာကြီးလောက်အကျင့်ကိုဖျက်ဆီးချင်ကြသည်။
သူတို့ဘက်ကကြည့်လျှင်မှန်ကောင်းမှန်နိုင်သည်။မြစ်ရိုးချောင်းရိုးတိမ်ကောပေမယ့်ငါ့ဆွေမျိုး၊ငါ့သား၊
ငါ့သမီးဆိုသည်အသိကလူအခွင့်အရေးကမ်းပါး ကိုတိုက်စားလာသည်။ “ခေတ်ကိုကြည့်ပါဦး”ဆိုသောစကားမျိုးလူကြီးလူငယ်အားလုံးပြောနေကြသည်။မခိုင်လုံသော
အ ကြောင်းပြချက်ဖြင့်ခေတ်ကိုခုတုံးလုပ်ချင်တာလား။လူလွတ်ရုန်းချင်တာလားမသိ။
 “ ပုထုဇဉ်တွေဘဲ၊အရိယာမှမဟုတ်တာ” ။ ပုထုဇဉ်ဟူသောစကားလုံးဖြင့်ကာလိုက်ခြင်းဖြစ်သည် တစ်ခဏလုံချင်လုံမည်။တစ်ဘ၀လုံချင်လုံမည်။သို့သော်..ခေါင်းကျက်ခေါင်းစားအမြီးကျက်အမြီးစား ၀ါဒအောက်မှာစကားလုံးတွေကရိုးအီလာသည်။တစ်ခါတလေတော့လည်းစကားလုံးတွေက
ဆန်းပြားသည် ပရိယာယ်ဆန်သည်။
 “ သူကခွချက်ခေါ်ထားတာကွ” ကျွန်တော်ဘေးစားပွဲလ္ဘက်ရည်ဝိုင်းမှလူငယ်တစ်ဦး၏အသံဖြစ်သည်။လူငယ်ညွှန်းသောသူကိုလှမ်း ကြည့်တော့နှစ်ဆယ်စွန်းစွန်းအမျိုးသမီးတစ်ဦး။ကျွန်တော်အကြည့်ပြန်မရုတ်ခင်စကားသံထွက်လာသည်။
 “ သူဘယ်ကောင်ကိုစားမယ်ထင်သလဲ”
 “မစားဘူး။မျိုမှာလေ။အကောင်ကြီးကြီးပေါ့ကွာ”
 “ ဘာလဲ..ဆင်လား ” “လူပေါ့ကွာ။ဒါပေမယ့်..သူကတစ်ကောင်ကျွေးပြီးသုံးကောင်ရိုက်ဖို့အကွက်ဆင်နေကြ။” အခုတော့…ဒီလိုအခင်းအကျင်းတွေအောက်မှာမိုးခါးရေသောက်တတ်ခဲ့ကြပြီ။
ဇာတ်တူသားစားတတ် ခဲ့ကြပြီ။နာဠာဂီရိဆင်လည်းအရက်တိုက်ခဲ့ပြီ။
 ဆယ့်ရှစ်နှစ် မပြည့်သေးသောသမီးသည်မိခင်တစ်ယောက်၏အသံဖြစ်ပါသည်။ “ ကောင်လေးရဲ့မိဘတွေကပိုက်ဆံရှိတယ်လေ။ပြီးတော့ကောင်လေးကသင်္ဘောသား” ကျွန်တော်ကိုကြက်သီးမွေးညင်းထသွားစေသောစကားလုံးဖြစ်သည်။ပြီးတော့..ကောင်လေးနှင့်တွဲသွား တွဲလာအတူတူနေခွင့်ပေးထားသည်။ကျွန်တော်..တီးတိုးရေရွတ်မိပါသည်။
 “ အို..မိခင် ရိုးသားဖြောင့်မတ်မှန်ကန်တိကျမှုတို့မည်သည်တိမ်ကောကုန်ပြီလော။ ကိုယ်ကျင့်တရားတို့မည်သည်အဘယ်အရပ်သို့စီးဆင်းကုန်သနည်း။ “ ××××××××××××××××××××××××××××××××××××××××××× ကျွန်တော်တို့သည်လူပီပီလူယဉ်ကျေးမှုနယ်ထဲခုန်ဆင်းခဲ့ကြသည်။လူလှိုင်းတွေပုတ်ခတ်ခံခဲ့ရသည်။ လူစီးချောင်းထဲမျောပါခဲ့ရသည်။လူဆိပ်ကမ်းမှာကမ်းကပ်ရန်ခရီးသွားနေကြသည်။တစ်ခဏတာခရီး…။ တစ်ဘ၀စာခရီး..။သံသရာဆိုတဲ့ခရီး…။ ခရီးစဉ်သည်တိုချင်လည်းတိုမည်။ရှည်ချင်လည်းရှည်မည်။သို့သော်..အားလုံးဟာမေ့မေ့ပျောက်
 ပျောက်ဖြင့်ခေါက်တုံ့ခေါက်ပြန်ခရီးသွားများသာ..။ သီတင်းကျွတ်ကျောင်းပိတ်ရက်အပြန်ကားပေါ်ရောက်တော့တံခါးတွင်ကပ်ထားသောစာအချို့ ဖတ်ရသည်။ မိတ်ဆွေ
 “ သင့် “ ပိုင်ဆိုင်မှု
 “ သင့် “ စည်းစိမ်
 “ သင့် “ ရာထူးများကို အိမ်မှာထားခဲ့ပါ။ ကျွန်တော်ထိုစာမျိုးကိုသဘောကျသည်။ခရီးသွားချင်းအတူတူ၊ခရီးသည်ချင်းအတူတူလူတန်းစားခွဲခြား ကွဲပြားမှုကိုစေ့စပ်ထားသည့်စာဟုထင်မိသည်။ မန္တလေးမှမိတ္ထီလာပြန်သောအခါတစ်ခါကြုံဖူးသည်။ကားကမှန်လုံယာဉ်ငယ်။ဒရိုင်ဘာနောက်ဒုတိယ တန်းခုံကလေးယောက်သာဆန့်သည်ကိုစပယ်ယာကငါးယောက်တင်သည်။ကားစထွက်တော့
သုံးယောက်တည်း။တမာတန်းလွန်တော့ခပ်၀၀ဇနီးမောင်နှံတက်လာသည်။စပယ်ယာကထိုအတန်း
တွင်နေရာချပေးသည့်အတွက်ငါးယောက်ဖြစ်သွားသည်။ကြပ်ကြပ်တည်းတည်း။ကွေးမရ။ဆန့်မလှ။
 ရှေ့နားရောက်သောအခါခပ်၀၀အမျိုးသမီးကစပယ်ယာကိုခေါ်၍ပြောသည်။ “ မောင်လေးရေ..နောက်မှာခုံလွတ်ရှိရင်ဘေးကအမကိုထားပေးပါ။အမ..ပိုက်ဆံနှစ်ဆပေးပါမယ် “ ငွေဖြင့်ဖိလိုက်သည့်အသံဖြစ်သည်။စပယ်ယာကဘေးကအမျိုးသမီးကိုမေးတော့မသွားဘူးဆိုသည့် အမူအရာဖြင့်ခေါင်းခါသည်။သူ..တကယ်ရှက်လို့လား။မာနခံနေလို့လား။ ကျွန်တော်တွေးမိပါသည်။ အကယ်၍မူလနေရာမှာထိုင်သောအမျိုးသမီးသာခေါင်းညိတ်မိခဲ့လျှင်ခရီးစဉ်တစ်လျှောက်ချောင်ချောင်
စီးရမည်။သူရရှိမည့်ထပ်ဆောင်းငွေနှစ်ထောင်ကိုယူ၍ရှေ့ခုံမှာသီတင်းသုံးနေသောသံဃာနှစ်ပါးအား
တစ်ပါးတစ်ထောင်စီလှုလျှင်ပျော်ရွှင်ခြင်းခရီးစဉ်တစ်ခုဖြစ်လာနိုင်သည်။ယခုတော့..မာနက သူမဦးခေါင်းကိုဆွဲထောင်ထားဟန်တူသည်။တည့်တည့်မတ်မတ်။
 နောက်မှထွက်လာသောအသံဖြစ်သည်။အဘဆိုသည့်စကားလုံးကိုအလွတ်ကျက်ထားသလားမသိ။
 “ အဘ..သွားကန်တော့မလို့။ မယ်မယ်ကြီးကသားကိုချစ်တော့အဘနားပို့ထားတာလေ။အဘက.. ရုံးချုပ်က“ အဘတွေယခုတလောခရမ်းချဉ်သီးမှည့်လိုလှိုင်လှိုင်ပေါလာသည်။နီနီရဲရဲဝင်းဝင်းမှည့်မှည့်နဲ့အဘတွေ ပိုချဉ်လာသည်။
 “ သားက..ကိုရီးယားမှာလေ။သီတင်းကျွတ်ပွဲတော်ရက်အမေသုံးဖို့ဆို ပိုက်ဆံပို့လိုက်လို့။မကြာမကြာ ပို့ပေးပါတယ်။တစ်ခါပို့ရင်သုံးဆယ်လောက်လေ “ ကျွန်တော်ကားတံခါးတွင်ကပ်ထားသောစာကိုကြည့်ပြီးပြုံးမိသည်။မိတ်ဆွေ..သင့်ပိုင်ဆိုင်မှု။ သင့်စည်းစိမ်။သင့်ရာထူးများကိုအိမ်မှာထားခဲ့ပါတဲ့။ယခုတော့ပိုင်ဆိုင်မှု၊စည်းစိမ်၊ရာထူးတွေကိုရွာပြန်လျှင်
ရွာထိသယ်သည်။တောရောက်လျှင်တောထိပါသည်။ပိုင်ဆိုင်မှု၊စည်းစိမ်၊ရာထူးတွေကလယ်ကွင်းထဲထိရောက် လာသည်။ ကျွန်တော်တို့ခရီးသွားနေကြသည်။ခရီးသွားတိုင်းသွားတိုင်းကံသုံးပါးအမူအရာတွေကသယ်ဆောင် စရာမလိုဘဲအရိပ်လိုကပ်ပါလာသည်။
 ××××××××××××××××××××××××××××××××××××××××
 မတရားဥပဒေ မျိုးတုံးရေး ×××တို့အရေး
အဓမ္မသိမ်းပိုက်လယ်ယာပြန်ပေးရေး××× တို့အရေး
 တရားဥပဒေစိုးမိုးရေး ×××တို့အရေး ကျွန်တော်လက်ပန်းတောင်းရောက်ခိုက် ပြည်သူလူထု၏ဆန္ဒဖော်ထုတ်သည့်အသံများဖြစ်ပါသည်။ ဆန္ဒဖော်ထုတ်သည့်လူအုပ်ကြီးထဲတွင်အသက်တစ်ဆယ့်ငါးနှစ်အရွယ်မှခုနှစ်ဆယ်ဝန်းကျင်ထိလူငယ်လူကြီး ပါသည်။ယောင်္ကျားမိန်းမပါသည်။သူတို့ဆန္ဒဖော်ထုတ်သည့်နေရာက၀မ်ပေါင်ကုမ္ပဏီရှေ့တည့်တည့်
မွန်းတည့် နေရောင်အောက်မှာစုစုစည်းစည်း၊စည်းစည်းလုံးလုံး၊ညီညီညွတ်ညွတ်။အများစုမှာဝက်မှေးရွာနှင့်
ဆည်တဲရွာသူ ရွာသားများဖြစ်ကြသည်။ ထိုရွာသူရွာသားများသည်အလွန်ရိုးသားကြသည်။သူတို့ရွာတွင်နှလုံးထီမရှိ။ချဲဂဏန်းမထိုး။ ပရီးမီးယားလိဂ်ဘော်လုံးပွဲမကြည့်။အရက်ဆိုင်မဖွင့်။ပင်ကျရည်စစ်စစ်ရသောထန်းတဲလေးများသာရှိသည်။ သို့သော်..သူတို့ရွာလေးသို့လက်ပန်းတောင်းတောင်ကြေးနီစီမံကိန်းဆိုသည့်ကံကြမ္မာမုန်တိုင်းတစ်ခု တိုက်ခတ်လာသည်။သူတို့ချစ်သောတောတွေ၊တောင်တွေအဓမ္မအသိမ်းခံလိုက်ရသည်။တိတ်ဆိတ်ငြိမ် သက်သောရွာလေးများလည်းကြေးနီစီမံကိန်းမှမိုင်းခွဲသံတို့ဖြင့်တုန်ခါလှုပ်ရှားခြောက်ခြားလာသည်။ ရင့်မှည့်၍နှုတ်သိမ်းခါနီးမြေပဲခင်းလေးများမြေစာပုံအောက်ရောက်ကုန်သည်။ရိတ်သိမ်းခါနီးနှမ်းခင်းများ လည်းထိုနည်းအတူပင်။ရိုးသားဖြောင့်မတ်သောရွာသူရွာသားများစိုးရိမ်စိတ်လွန်ကဲလာသည်။ စားမ၀င်အိပ်မပျော်။”ငါ့မြေပဲခင်းလေး၊နှမ်းခင်းလေးဘယ်အချိန်မြေစာပုံအောက်ရောက်မလဲ“ စိုးထိတ်လာသည်။နောက်ဆုံးသူတို့ဖြစ်ချင်သောဆန္ဒကိုသူတို့ဖော်ထုတ်ကြသည်။ဒေသခံရွာသူရွာသား အချို့နှင့်ဆန္ဒဖော်ထုတ်ပွဲကိုစောင့်ရှောက်ကူညီသောသံဃာတော်များလည်းမီးလောင်ဗုံးဖြင့်တိုက်ခိုက် ခံလိုက်ရသည်။ တိုက်ခိုက်ခံရသူအားလုံးတို့၏ကံသုံးပါးအမူအရာတို့သည်ရိုးသားသည်။ဖြောင့်မတ်သည်။သိမ်မွေ့သည်။ ယဉ်ကျေးသည်။ငြိမ်းချမ်းရေးဘက်သို့ ဦးတည်သည်။သို့သော်..သူတို့တောင်းဆိုသည့်ဝစီကံအပြုအမူတို့သည် ဆန့်ကျင်ဘက်အရပ်သို့ဖြာထွက်သွားသည်။လူကလမ်းကြောင်းပြောင်းလိုက်သလား။မူကလမ်းကြောင်းပြောင်း လိုက်သလား။ခေတ်ကိုအပြစ်တင်ရမလား။စနစ်ကိုအပြစ်မြင်ရမလား။လားပေါင်းများစွာနှင့်သက်ပြင်းချသံများ..။ သူတို့၏ဆန္ဒဖော်ထုတ်သံများကသမိုင်းစာမျက်နှာတွင်ပဲတင့်ထပ်ခဲ့သည်။ ××××××××××××××××××××××××××××××××××××××××× မိတ်ဆွေနိုင်ငံခြားသင်္ဘောသားတစ်ယောက်နှင့်မကြာခဏစကားပြောဖြစ်သည်။သူယခုအိုင်ယာလန်
 ရောက်နေကြောင်း၊ဘရာဇီးရောက်နေကြောင်းပြောသည်။တစ်ခါတရံရာသီဥတုမကောင်း၍ကမ်းကပ်ရန်
ခက်ခဲ ကြောင်းလည်းပါသည်။ကျွန်တော်မိတ်ဆွေထံအကြောင်းပြန်သည်။သင်္ဘောကြီးကမ်းကပ်ဖို့နီးလာသလို
ငါလည်းကမ်းကပ်ဖို့နီးလာပြီလို့နှလုံးသွင်းရင်းမရဏာနုဿတိကမ္မဌာန်းစီးဖြန်းပါဆိုတော့မိတ်ဆွေက
ကျေကျေနပ်နပ် လက်ခံသည်။ ကျွန်တော်တို့အားလုံးခရီးသွားနေကြသည်။ကျွန်တော်တို့ခရီးစဉ်တစ်လျှောက်အပြုအမူ၊အပြောအဆို၊ အကြံအစည်ဆိုသည့်ကံသုံးပါးကအမြဲကပ်ပါနေသည်။သတိမထားမိကြ။ကျွန်တော်တို့ကိုယ်နှင့်
နီးနီးနားနားကပ်ပါနေသောကံကိုဥပေက္ခာပြုထားကြသည်။အဝေးရောက်နေသောမိတ်ဆွေ၊
သား၊မယားတို့၏အချစ်ကိုလိုချင်ကြသည်။အမုန်းမခံချင်ကြ။
ထိုအခါမျိုးတွင်ကျွန်တော်ဆရာတော်ကြီး၏စာကြောင်းလေးကိုရေရွတ်ရင်းဦးခိုက်မိ သည်။
 “ ငါကလူမုန်းမှာမကြောက်ဘူး၊ကံမုန်းမှာဘဲကြောက်တယ် “ ခရီးသွားများ၏စကားလုံးအချို့နှင့်စကားသံအချို့ကမတူကွဲပြားခြားနားလျက်။

 မောင်ခန့်မြေ (ထီလာ)

လွင့်မျောနေတဲ့စိတ်ကို
 ကြိုးတပ်ပြီးမျောလွှင့်ကြည့်တယ်။
 လေနှင်ရာအတိုင်းလွင့်မျောနေလိုက်တာ
 တိမ်ကြိုတိမ်ကြားမကျန်
 သူမဟုတ်တဲ့ဟန်နဲ့ပေါ့။

ခန္ဓာကိုယ်ကြီးကလည်း
 ချိတ်မမြင်တဲ့ငါးတစ်ကောင်လို
 အာသာဆန္ဒအလိုလိုက်လို့
 ဟိုဟပ်..ဒီဟပ်။

 ဒီစိတ်နဲ့ဒီကိုယ်အလိုအတိုင်း
 ဖြတ်သန်းခဲ့တဲ့အချိန်တွေမှာ
 မမြဲခြင်းတရားကိုရှာတွေ့ခဲ့ပေမယ့်
အမြဲတမ်းမြဲနေတာကတော့
မင်းဟန်နဲ့မင်းအသံတွေလေ..။

အဘိဓမ္မာမတတ်သူတစ်ဦးအတွက်
 ငါ့ကိုယ်နဲ့မင်းစိတ်ကိုခွဲခြမ်းစိတ်ဖြာဖို့
မကျွမ်းကျင်ပေမဲ့
ကျွမ်းကျင်လာတာကတော့
 အချစ်၊အဇ္ဈတ္တ၊အနုသယ
 ရစ်ပတ်နှောင်တွယ်နည်းများ..။

 နုပျိုခြင်းနဲ့ရင့်ရော်ခြင်းကြားက
ဆင်ခြင်မှုတစ်ခုမှာတော့
 တွေ့ခဲ့ဘူးပါတယ်။
သံသရာကြီးကရှည်တယ်..
ဘ၀ကတိုတယ်...
 ကဗျာကချိုတယ်..ဆိုတဲ့အကြောင်း..။

မင်းလည်းအရောင်မပါတဲ့
 ကဗျာတစ်ပုဒ်ကိုသောက်ကြည့်ပါ။
 သင်္ခါရ…
 သံဝေဂနဲ့
အချစ်တွေကို
အချိုးကျကျရောစပ်လို့ပေါ့။

 မောင်ခန့်မြေ (ထီလာ

( ၁ )

          လရိပ်ထိုးထား၍လားမသိ။တမာပင်ရိပ်က ကျွန်မတို့အိမ်ရှေ့ကွပ်ပျစ်လေးအား တစ်ခြမ်းဖုံးထား
သည်။ခပ်ပြေပြေ လေပြည်၏ တိုးတိုက်မှုကြောင့် အိမ်နောက်ဘက်ဝါးရုံမှ ၀ါးရွက်ခြောက်အချင်းချင်း
ရိုက်ခတ်သံသဲ့သဲ့က ညတစ်ညအတွက် နောက်ခံတေးတီးခတ်နေသလိုလို ထင်ရသည်။
          ကိုကြီးသာဟိန်းနှင့်မနွယ်နီတို့ကအတိတ်မှာဟောင်းနွမ်းကျန်ခဲ့သောသူတို့၏တက္ကသိုလ်
ကျောင်းသားဘ၀တွေကို သူတစ်ခါ ငါတစ်လှည့်ပြောပြနေသည်ကို နားထောင်ရသည်မှာ စိတ်ဝင်စား
ဖွယ်ကောင်းပါသည်။သူတို့ပြောပြသည့်အထဲတွင်ဝမ်းနည်းစရာအဖြစ်အပျက်..။ပျော်ရွှင်စရာ
အကြောင်း…။တစ်ခါတခါ သူတို့၏ စိတ်ပျက်ဖွယ်ရာ အတွေ့အကြုံများ…။
          ရပ်ကွက်ထဲမှ မြို့သို့ အဆောင်နေ အဆောင်စား ဦးစွာကျောင်းသွားတက်သည်မှာ သူတို့နှစ်ဦး
ဖြစ်ပါသည်။သူတို့နှစ်ဦးသည် ရပ်ကွက်ထဲမှလူငယ်များအတွက် ပညာရေးနှင့်ပတ်သတ်၍ စွန့်ဦးတီထွင်
သူရဲကောင်းများဖြစ်ခဲ့ကြသည်။အခြား မိဘများအတွက် ဥပမာပြယုဂ်တစ်ခု ဖြစ်လာခဲ့သည်။လက်ရှိအ
ခြေအနေမှာလည်း ရပ်ကွက်ထိပ်တွင် ကိုယ်ပိုင်ဆေးခန်းဖွင့်ထားသူများ ဖြစ်ပါသည်။
          သူတို့နှစ်ဦးနှင့်တွေ့ဆုံခင်မင်ခွင့်ရသည့် ကျွန်မသည် ကံထူးသူတစ်ယောက်ဟု ဆိုနိုင်ပါသည်။
တစ်ဦးတည်းသောသမီးကျွန်မအပေါ် ကိုကြီးသာဟိန်းက အကိုတစ်ယောက်လိုသံယောဇဉ်ပိုခဲ့သည်။
မနွယ်နီကလည်း အမတစ်ယောက်နှင့်မခြား..။ကျွန်မ၏ ကိုယ်ကျင့်တရားနှင့် အမူအရာတို့သည်လည်း
သူတို့နှစ်ဦး၏အငွေ့အသက်နှင့်ကင်းမည်မထင်ပါ။
          “ ရိုးရာ..အိမ်ပေါ်ခဏတက်ခဲ့ဦး။သာဟိန်းနဲ့နွယ်နီက စကားပြောရင်းစောင့်နေပေါ့ “
          အမေအသံသည် ယခင်နေ့များနှင့်မတူ။တုန်ခါအက်ကွဲ၍ ရှိုက်သံသဲ့နေသည်။ကျွန်မလှေကား
ထိပ်ရောက်တော့ အမေက လပြည့်ည၏ လတစ်စင်းကို ငေးကြည့်နေသည်။အမေမျက်ဝန်းအိမ်မှတွဲလွဲ
ခိုဆင်းနေသော မျက်ရည်ဥတွေက လရောင်ထိုးထား၍အရောင်လဲ့နေသည်။ကျွန်မ..အမေဘေးရပ်နေ
သည်ကို အမေမသိ။
          “ သမီးရောက်ပြီ..အမေ “ ဟုပြောမှ အမေအတွေးတန့်သွားပုံပေါ်သည်။
          “ သမီးအဖေက ဘာပေးမလဲမသိဘူး။ အမေကလည်းသမီးကိုမှာစရာရှိသေးလို့ခေါ်တာ” ဟု
ပြန်ပြောသည်။
          အိမ်ထဲဝင်သွားတော့ အဖေကစာအုပ်ဖတ်နေသည်။ကျွန်မလည်းထိုင်ပြီးရော ဖတ်လက်စ စာအုပ်ကို ပိတ်လိုက်သည်။
          “ သမီးကိုအဖေ ထွေထွေထူးထူး မှာစရာမရှိပါဘူး “ ဟုပြောရင်း စာရွှက်ခေါက်တစ်ခုကို လှမ်း
ပေးသည်။ကျွန်မလက်ထဲ စာရွက်ခေါက်ရောက်တော့ အဖေက စကားဆက်သည်။
          “ အဲ့ဒီ..စာရွက်ခေါက်ကို သမီးခေါင်းအုံးအောက်မှာထား..။ ညအိပ်ယာဝင်တိုင်းထုတ်ဖတ် “ ဟု
ပြောရင်း အမေဘက်လှည့်၍ မေးငေါ့ ပြသည်။
          နင့်သမီးကိုမှာချင်တာမှာဆိုသည့်အမူအရာဖြစ်မည်ဟု ကျွန်မထင်ပါသည်။
          ခဏကြာတော့ အမေနုတ်ဖျားမှ အသံတစ်သံ ထွက်ကျလာသည်။
          “ ကိုယ့်ကိုကိုယ်ထိမ်းပါ..သမီး “ တဲ့။
          အမေသည်စကားများများ မပြောတတ်။ ပြောလျှင်လည်းတစ်ခွန်းစ နှစ်ခွန်းစသာပြောတတ်
သည်။အမေပြောသည့်စကားတစ်ခွန်းကလည်းလေးနက်သည်။ကျစ်လစ်သည်။ခိုင်ခန့်သည်။ထိရောက်
သည်။
          “ စိတ်ချပါ..အမေ “ ဟု ပြန်ပြောတော့ မေမေကပြုံးသည်။
          ကျွန်မအဖေနှင့်အမေကိုဦးချ၍ အိမ်အောက်ဆင်းခဲ့သည်။ကွပ်ပျစ်နားရောက်တော့ ကိုကြီးသာဟိန်းနှင့်မနွယ်နီတို့က စာအုပ်တစ်အုပ်စီ လက်ဆောင်ပေးသည်။ ဆရာမြသန်းတင့်၏ လူလေးသို့ပေးစာများစာအုပ်နှင့်မောင်သာချို၏ သမီးလေးဖတ်ဖို့နှလုံးသားရှုမျှော်ခင်းများစာအုပ်ဖြစ်
သည်။ပြီးတော့..”.ညီမလေးဘ၀ ခမ်းနားတောက်ပပါစေ“ဟုဆုတောင်း၍နှုတ်ဆက်သည်။
စာကြိုးစားရန်လည်းမှာသည်။
          ကိုကြီးသာဟိန်းနှင့်မနွယ်နီတို့ပြန်သွားတော့ လပြည့်ဝန်းက ကျွန်မဦးခေါင်းထက်မှာတောက်ပ
လို့..။ကွပ်ပျစ်ပေါ်ကျနေတဲ့ တမာရိပ်လည်း ဘယ်ရောက်သွားသည်မသိ။ ကျွန်မထင်ပါသည်။ သူဘဲ…
သပ်ချလိုက်တာနေမှာပါ။

                                                ( ၂ )

          ကျွန်မနေထိုင်ရာ အဖေ့အိမ်လေးကို လှည့်ကြည့်လိုက်သည်။စကားလုံးမဲ့နှုတ်ဆက်ခြင်းပါ။
တိတ်ဆိတ်ငြိမ်သက်သော အဖေအိမ်ကို လရောင်အုပ်မိုးထားသည်က အာရုဏ်ဦးအတွက် ကဗျာတစ်
ပုဒ်လိုခံစားရသည်။
 ရွှေမန္တလာကားစထွက်တော့လေးနာရီတိတိ။ကျွန်မအဖေအိမ်ကိုစတင်ကျောခိုင်းလိုက်က
တည်းကစိတ်တွေက ကြောက်တစ်လှည့် မြောက်တစ်ခါ။အတွေးတွေကလည်း အတိတ်ကိုပြန်လိုက်
အနာဂတ်ကိုကြံလိုက်နဲ့..။
          ကျွန်မအဖေက အထက်တန်းပြကျောင်းဆရာဆိုတော့ အဖေတာဝန်ကျရာကျောင်းမှာကျောင်း
တက်ခဲ့ရသည်။ကျောင်းကလည်း ခြောက်ဖာလုံသာသာရှိသည်မို့ အိမ်နှင့်သိပ်မဝေး။အဖေကျောင်းသွား
လျှင်ကျွန်မကျောင်းသွားရသည်။အဖေအိမ်ပြန်လျှင်ကျွန်မအိမ်ပြန်ရသည်။ကာလမခြား။အတူသွားခဲ့
သည့်အဖေနှင့်ကျွန်မ။အတူပြန်ခဲ့သည့်ကျွန်မနှင့်အဖေ။ဆယ်စုနှစ်တစ်ခုကျော်သည်ထိပေါ့။
          ကျွန်မဆယ်တန်းအောင်ပြီး တက္ကသိုလ်တက်ခွင့်မရခင်အချိန်မှာ ကွန်ပျူတာသင်တန်းတက်ရ
သည်။သင်တန်းကျောင်းကလည်း အဖေတာဝန်ကျရာကျောင်းနှင့်မျက်နှာချင်းဆိုင်မှာရှိသည့်အတွက်
သွားရေးလာရေးမခက်။ကျွန်မအတွက် ဖယ်ရီမလို။လိုင်းကားမလို။
          အဖေ၏မောင်ဗမာစက်ဘီးသည် ကြိမ်ရိုက်စရာမလိုဘဲ ကျွန်မအတွက်ငမိုးရိပ်ဖြစ်ခဲ့သည်။
ကျောင်းရောက်ခါနီး အမှတ် ( ၂ ) ကုန်းတက်ကိုတက်ပြီဆိုလျှင် အဖေအင်္ကျီချွေးစို့လာသည်။ကျွန်မကို
ဆင်းမလျှောက်ခိုင်း။သမီးအတွက်ဆိုလျှင်ဘယ်လိုအတားအစီးတွေ့ပါစေ..မမှုဘူး ဆိုတဲ့ဖခင်တစ်
ယောက်ရဲ့စိတ်ဓါတ်က အရောင်တောက်နေသည်။အဖေ၏မေတ္တာကြောင့် ကျွန်မ၏ကတ္တီပါဖိနပ်သည်
ခြေရာပင်မထင်ခဲ့။ခြေဖနောင့်တွေကလည်း ပန်းနုရောင်သန်းနေဆဲဖြစ်ပါသည်။
          ကျောင်းသွားအိမ်ပြန်ချိန်တိုင်းအဖေနှင့်အတူ အမြဲပါနေ၍ သီးသန့်အချိန်ပေးဆုံးမစရာမလို။
အဖေအဆုံးအမတွေက ကျွန်မခန္မာကိုယ်မှာ ပျံ့နှံ့နေဆဲဖြစ်ပါသည်။အဖေက ကျောင်းဆရာပီပီ အထွေ
ထွေဗဟုသုတနှင့်ပတ်သတ်၍ သိသမျှမချန်အကုန်ပြောပြသည်။ကမ္ဘာကြီးပူနွေးလာခြင်းအကြောင်း..။
သဘာဝပတ်ဝန်းကျင်ထိန်းသိမ်းရေး..။လူဦးရေထိမ်းချုပ်မှု..။ကိုးကွယ်ယုံကြည်မှု၏အစွမ်းသတ္တိ..။
ကျွန်မပြောမပြတတ်အောင်စုံလို့ပါဘဲ။ကျွန်မဦးနှောက်ထဲအဖေထည့်ပေးထားသည့်ဗဟုသုတတွေ
ကြောင့် အရွယ်နှင့်မမျှအောင် တွေးခေါ်ဆင်ခြင်နိုင်ခဲ့သည်။တည်ငြိမ်ခဲ့သည်။
          ကျွန်မဆယ်တန်းအောင်တော့လည်း အဖေပေးတဲ့လက်ဆောင်တဲ့..။ဘယ်အချိန်ကတည်းက
ကြိုတင်စိတ်ကူးထားထယ်မသိ။ပန်းကနှုတ်ထွင်းကျွန်းဘောင်ခတ်ထားတဲ့ပုဂံဘုရားတွေနဲ့ဓာတ်ပုံတစ်ပုံ။
ထိုဓာတ်ပုံပေါ်မှာ ကွန်ပျူတာစာစီထားတဲ့ ကဗျာတစ်ပုဒ်။ဆရာဇော်ဂျီရဲ့” သင်သေသွားသော် “ တဲ့။
ကဗျာလည်းဖတ်ပြီးရော ကြက်သီးမွှေးညှင်းတွေ ထသလားတောင်မသိ။ကျွန်မတွေးမိတာလေ..။အဖေ
က ကျွန်မခန္ဓာကိုယ်ထဲကို မျိုးချစ်စိတ်တွေများလောင်းထည့်နေသလားပေါ့။
          ကျောက်ဆည်အထွက်ရောက်တော့ကားက ဇတ်ကြိုးဆွဲတဲ့မြင်းတစ်ကောင်လို တုံ့ခနဲရပ်သွား
သည်။ကျွန်မ အတွေးတွေနဲ့အတူလေ။ကျွန်မလှမ်းကြည့်တော့ တိုးဂိတ်မှာ  မြို့ဝင်ကြေးပေးပြီး ကားပေါ်ပြေးတက်လာသည့် စပါယ်ယာကိုမြင်ရသည်။သူလက်ခေါက်မှုတ်တော့ လမ်းဘေးဝဲယာမှ
ထနောင်းပင်တွေက ကျွန်မကိုလက်ပြနှုတ်ဆက်ရင်း ကျန်ရစ်သည်။
          မန္တလေးရောက်ခါနီးတော့ ကျွန်မတွေးပူရပြန်သည်။
          ကျွန်မနေစရာအဆောင်..။
          မမြင်ဘူးသေးတဲ့ ပေါင်းသင်းရမည့် မိတ်ဆွေ..။
          ခြေမချဘူးသည့်ဒေသ အကြောင်း..။
          ကျွန်မဆုတစ်ခုသာတောင်းလိုက်ပါသည်။” အားလုံး အဆင်ပြေပါစေ “ ပေါ့။

                                                ( ၃ )

          ကျွဲဆည်ကန်ကားဝန်းရောက်တော့ ခုနှစ်နာရီကျော်နေပြီ။ကားပေါ်ကဆင်းပြီးချိန်မှာ ဆိုင်ကယ်
တက်စီတွေက လူနားကိုအုံနေတာပဲ။ကျွန်မလည်း ဘယ်မှမသွားဘူးဆိုတဲ့အမုူအရာနဲ့ ဓာတ်တိုင်တစ်
တိုင်နားခဏရပ်နေလိုက်သည်။သူတို့တွေပြန်သွားပြီဆိုမှ ဆိုင်ကယ်တစ်စီးငှားပြီး ကျွန်မနေမည့်
အဆောင်ကို လိုက်ပို့ခိုင်းရသည်။ဆိုင်ကယ်မောင်းသူကိုလည်း သနားမိပါသည်။အဆောင်လိုက်ရှာရတဲ့
အချိန်ကခန့်မှန်းချိန်ထက်ပိုသွားတော့ အားနာမိတာလည်းပါတာပေါ့။
          ကျွန်မအဆောင်ရောက်တော့ ရှစ်နာရီထိုးပြီ။အဆောင်မှုးထံစာရင်းသွင်း ငွေချေပြီးမှဘဲ စိတ်အေးကိုယ်အေး နားရတော့သည်။
          ကျွန်မအိပ်ယာနိုးတော့ ညနေသုံးနာရီ ။ ညက ကိုကြီးသာဟိန်းတို့နှင့် စကားပြောနေ၍ ညဉ့်
နက်မှအိပ်ယာဝင်ခဲ့ရလို့လား..။မနက်စောစောထ ကားစီးရ၍ ခရီးပန်းလို့လားမသိ။ကျွန်မ..နှစ်နှစ်ခြိုက်
ခြိုက် အိပ်ပျော်သွားခဲ့သည်ကတော့ အမှန်ပင်။
          “ ဟေ့…မင်းနာမည်ဘယ်လိုခေါ်လဲ “
          အသံလာရာ လှည့်ကြည့်တော့ ကျွန်မနှင့်ရွယ်တူ မိန်းကလေးတစ်ဦး။ကျွန်မ သူကိုတွေဝေစွာ
ငေးကြည့်နေတုန်း  ဆက်ပြောသည်။
          “ ဟေ့…မင်းကိုမေးနေတာလေကွာ “
          “  ဟုတ်ကဲ့..ကျွန်မနာမည် ရိုးရာနွယ်ပါ “
          “ ဟား..နာမည်ကအမြောက်ပဲ။မင်းက..အဖြူလေးနဲ့တူတယ် “ ဟုသူကပြုံး၍ ပြန်ပြောသည်။
ကျွန်မ သူပြောသည့်စကားကိုနားမလည်ပါ။သူ..ဘာကိုဆိုလိုမှန်းလည်းမသိပါ။
          “ မင်းက..ဒီနေ့မှအဆောင်ကိုရောက်တာဆိုတော့ ညနေငါနဲ့လိုက်ခဲ့ပေါ့။မင်းမရောက်ဘူးတဲ့
နေရာတွေ ငါလိုက်ပို့မယ်လေ “
          “ အစ်မနာမည်ကဘယ်သူလဲ “
`        “ မင်းက..မှတ်ပုံတင်ရုံးကလား..” ဟုပြောရင်းသူရယ်သည်။ပြီးမှ..
          “ နောက်တာပါကွာ..။ငါနာမည်..အေးငြိမ်းသူ “
          “ မင်းလိုက်မှာလား “
          ကျွန်မ ဘယ်နေရာသွားမှာလည်းဟု ပြန်မမေးမိပါ။ အားနာတဲ့အကျင့်ရှိသူမို့ အလိုလိုခေါင်း
ညိတ်မိသည်။

                                                ( ၄ )

          ဆည်းဆာနေရောင်ဖျော့ဖျော့အောက်မှာ သူဆိုင်ကယ်က ဘယ်ကိုဦးတည်နေမှန်းမသိပါ။
ကျွန်မကသူနောက်မှာသက်မဲ့အရုပ်တစ်ရုပ်လိုဖြစ်နေပေမဲ့ သူက ဘေးမှယှဉ်မောင်းလာသော
ကောင်လေးတစ်ယောက်နှင့်စကားတွေဖောင်ဖွဲ့လို့..။ဒါဟာ..ကျွန်မဘ၀ရဲ့မွန်းကျပ်မှု အစ ဖြစ်မည်
ထင်ပါသည်။
          သူဆိုင်ကယ်ကွေ့ဝင်သွားသည့်နေရာက သစ်လုံးတွေဖြင့်ဆောက်လုပ်ထားသော ဆိုင်တစ်
ဆိုင်ဖြစ်ပါသည်။ ဆိုင်းဘုတ်က အနီရောင်အောက်ခံဆေးပေါ်မှာ ရွှေရောင်စာလုံးဖြင့် ထွင်းထားသော
ကျွန်းပြားတစ်ပြား..။ကျွန်မ သည်လိုနေရာမျိုးကို ရောက်ဖို့မပြောနဲ့ စိတ်ကူးတောင်မယဉ်ခဲ့ဘူးပါ။
ယခုတော့… တွေးမိတာလေ..။ကျွန်မဘ၀ရဲ့ပထမဦးဆုံးအတွေ့အကြုံဟာ သင်ခန်းစာလား..။
နောင်တလားပေါ့..။
          ကျွန်မမျက်နှာမှုရာတည့်တည့်က ကန်ရေပြင်ကိုမြင်တော့ မိတ္ထီလာကန်ကို သတိရမိသည်။
ပြီးတော့..အဖေ။
`        မိတ္ထီလာက ကားစထွက်တော့ နံနက်လေးနာရီ..။တစ်ရက်ပင် မပြည့်သေး။ယခု ကျွန်မရောက်
နေသည့်နေရာက ရောင်စုံမီးလုံးတွေအောက်မှာ..။  ရောင်စုံမျက်နှာတွေကြားထဲမှာ..။ရောင်စုံ ဂီတသံ
တွေနဲ့အတူ..။မီးရောင်စူးရှရှတွေကလည်း ကျွန်မခန္ဓာကိုယ်ပေါ်မှာ မှိတ်တစ်ခါလင်းတစ်လှည့်..။
မျက်နှာတွေကိုလည်း ကျွန်မမကြည့်ရဲ။ဂီတသံတွေကလည်းကြားတစ်ချက် မကြားတစ်ချက်နဲ့ပေါ့။
          “ ရိုးရာ..သောက်လေ “
          “ ကျွန်မ မသောက်တတ်လို့ပါ “
          “ မင်းကနာမည်နဲ့လိုက်အောင် ရိုးတာဘဲ “
          ကျွန်မ စကားပြန်မပြောဘဲ ဆိတ်ဆိတ်နေလိုက်သည်။ရှက်၍လားမသိ ကျွန်မစိတ်တွေ မွန်းကျပ်လာသည်။
          “ ကျွန်မ ပြန်ချင်ပြီ အစ်မ “
          “ မင်းကလည်းကွာ ခဏလေးရှိသေးတယ် “
          သူကသာ ခဏလေးပြောတာ။ကျွန်မ နာရီမော့ကြည့်တော့ ရှစ်နာရီကျော်ပြီ။
ပြီးတော့..မျက်စိတစ်ဖက်မှိတ်ပြရင်းကျွန်မရှေ့သို့ခွက်တစ်ခွက်လှမ်းပေးသည်။အနီရောင်
ဖျော့ဖျော့အရည်ကြည်တွေထဲမှာရေခဲတုံးတစ်တုံးကတစ်ဝက်မြုပ်တစ်ဝက်ပေါ်လို့။ကျွန်မကိုမေးငေါ့ပြသည်..။
သောက်ဆိုတဲ့ အမူအရာနဲ့လေ။
          ကျွန်မ သူကိုကြည့်ရင်းဆုံးဖြတ်ချက်တစ်ခု ချလိုက်သည်။ထိုတိကျသေချာတဲ့ဆုံးဖြတ်ချက်နဲ့
အတူလက်တစ်ဖက်က ဖန်ခွက်ကိုကိုင်လို့..။ကျွန်မလျှာဖျားပေါ်က ခါးသက်သက်အရသာနှင့် ပူလောင်
စွာခံစားလိုက်ရသော ရင်တွင်းတစ်နေရာ..။

                                                ( ၅ )

          အဆောင်ကိုရောက်တော့ ညဥ့်နက်သည်ထိ အိပ်မပျော်။အတွေးတွေက တ၀ဲလည်လည်။ဆိုင်
ထဲမှအစိမ်းရောင်သတ္ထုဘူးများ..။အနီရောင်အောက်ခံပေါ်မှ ရွှေရောင်စာလုံးတွေနှင့် မီးလုံးများ..။
ပြီးတော့..သူတို့ရဲ့ခေတ်လွန်ဝတ်စားဆင်ယဉ်မှုတွေ။
          ကျွန်မပါးနှစ်ဘက်က ခေါင်းအုံးမျက်နှာပြင်ပေါ်မှာ လူးလိမ့်ရင်း  လက်ကခေါင်းအုံးအောက်မှ
အရာတစ်ခုကို စမ်းမိသည်။ ကျွန်မထုတ်ကြည့်တော့ အဖေပေးလိုက်သည့်စာခေါက်ဖြစ်နေသည်။
စာဖတ်ရန်မီးခလုတ်နှိပ်တော့ မီးကမလာ။ အမေ ဓာတ်မီးထည့်ပေးလိုက်၍ တော်သေးသည်။စာခေါက်
ဖြေပြီးဓာတ်မီးနဲ့ထိုးကြည့်တော့ အဖေလက်ရေးနှင့်စာကြောင်းသုံးကြောင်း..။အံသြမိပါသည်။ အဖေ
သည်လိုစာမျိုးရေးထားလိမ့်မည် မထင်ပါ။ကျွန်မ ဆယ်တန်းအောင်သည်အထိ အဖေစက်ဘီးနောက်
မှာပါခဲ့သည်။သည်လိုစကားမျိုးတစ်ခါမျှမပြောခဲ့။ယခု အဖေရေးထားသည့်စာက…
          “ သမီးအတွက်နဲ့ သမီးကိုးကွယ်သည့်ဘာသာမျက်နှာ မငယ်စေနဲ့ “
          “ သမီးအတွက်နဲ့ သမီးလူမျိုးနှင့်ယဉ်ကျေးမှုအဆင့်အတန်း မနိမ့်စေနဲ့ “
          “ သမီးအတွက်နဲ့ သမီးဆရာတွေနဲ့ သမီးနေတဲ့ကျောင်းတော်ကြီး သိက္ခာမကျစေနဲ့ “ တဲ့။
          အဖေရှိရာအရပ် မျက်နှာမူပြီး လက်အုပ်ချီတော့ ကျွန်မပါးပြင်မှ မျက်ရည်တစ်စက် လိမ့်ဆင်း
လာပါသည်။ စာရွက်ပေါ်မှာတော့ စိုဆွတ်ဆွတ် အကွက်လေးတစ်ကွက်။
          “ ထိုမျက်ရည်သည် ဖခင်တစ်ယောက်စိတ်ဓာတ်နဲ့ ရောယှက်ထားတဲ့ သမီးရဲ့ဘာသာ၊သမီးရဲ့
လူမျိုး၊သမီးရဲ့ယဉ်ကျေးမှုအတွက် အဖြူရောင်သွေးတစ်စက်ပါ..အဖေ “ လို့ကျွန်မစိတ်ထဲမှရေရွတ်
လိုက်သည်။
          ပြီးတော့..ကျွန်မပြုံးလိုက်ပါသည်။ထိုအပြုံးသည် ကျွန်မရရှိခဲ့သည့် ဘ၀တစ်ခုကိုကျေနပ်စွာ
လက်ခံလိုက်သည့်အပြုံး..။
          ဟုတ်ပါသည်။ ကျွန်မရရှိခဲ့တဲ့ ဘ၀ကလည်း အဖေထည့်ပေးလိုက်တဲ့ ဖခင်တစ်ယောက်
စိတ်ဓာတ်..။ သဘာဝတရားက လက်ဆောင်အဖြစ်ပေးလိုက်သော မိခင်တစ်ယောက်မေတ္တာနှင့် ရှင်သန်ခွင့်ရသော ဘ၀..။

မောင်ခန့်မြေ (ထီလာ)         

အတိတ်ဝဲထဲ
အရိပ်မည်းမည်း။

မနက်ဖြန်ရဲ့..
အနာဂတ်
လတ်လတ်ဆတ်ဆတ်။

              မောင်ခန့်မြေ (ထီလာ)


ပစ္စုပ္ပန်စာမျက်နှာကနေ
နုပျိုခြင်းတွေကို
ပြန်လှန်ကြည့်တယ်။

သေသပ်လှပတိကျခြင်း
အဖြေမထွက်ခဲ့တဲ့
အတိတ်နေ့များ…။
အကြောင်းပြချက်မခိုင်မမြဲနဲ့
ယိုင်လဲယိုင်လဲနေတဲ့
မနက်ဖြန်ရက်များ…။

အဲ့ဒီ..ရက်တွေကြားမှာ
စက္ကန့်တံတွေဟာ
ငါ့ကို..ဆက်လက်၍ သယ်ဆောင်သွားပေါ့။

မောင်ခန့်မြေ (ထီလာ)

မေတ္တာရနံ့လဲ့လဲ့ဟာ
လေထန်ကိုဆန်တက်
ပန်းရနံ့သဲ့သဲ့တွေဟာ
လေစုန်ကိုခုန်ဆင်း
ဒီ..လေညင်းသွဲ့သွဲ့နဲ့အတူပေါ့..။

ကိုယ်ကျင့်တရားမကောင်းသူတစ်ယောက်
ရှင်သန်ကြီးမြောက်လာတာ
ဝမ်းသာစရာမဟုတ်ဘူးလို့တွေးသေး။

ကိုယ်ကျင့်တရားကောင်းသူတစ်ယောက်
သေဆုံးကွယ်ပျောက်သွားတာ
ဝမ်းနည်းစရာလို့ဆင်ခြင်မိသေး။

ကိုယ်တိုင်မေး
ကိုယ်တိုင်ဖြေပြီး
အောင်မှတ်မရသေးတဲ့
ဘ၀သုံးပုံတစ်ပုံအချိန်များကလည်း
လေအိတ်တစ်အိတ်လို
လေယူရာယိမ်းလို့ကောင်းဆဲ..။

ငါ့..ရနံ့တွေ
လေဆန်ကိုတက်ဖို့
ကြိုးစားနေပါရဲ့..။
လေစုန်မှာ
လေဟုန်စီးနေတာလည်း..ရှက်သေး။

ဒီလိုနဲ့..
လူသတင်းတွေကို
လူတွေကထုပ်ပိုးသယ်ဆောင်ကြ
ပန်းသတင်းတွေကို
လေညင်းတွေကထမ်းပိုးသယ်ဆောင်ကြ
ကာလတစ်ခုရဲ့တိုက်စားမှုအောက်မှာ
လူတွေလည်းပျောက်
ပန်းတွေလည်းခြောက်နဲ့
ဒီရင်ဘတ်ကြီးက ပေါက်ပေါက်လာခဲ့ပေါ့။

ခံစားမှုအလိုလိုက်တတ်တဲ့
မလုံမလဲရင်ဘတ်ကြီးကလည်း
ပြာတစ်ခါ
ညိုတစ်လှည့်
မှောင်တစ်ဖုံနဲ့
ရှိုက်သံသဲ့သဲ့ကြားက
စကားတစ်ခွန်းပြောနေပါရဲ့..။
အယ်တန်ဂျွန်ရဲ့
လေထဲကဖယောင်းတိုင်လှုပ်ရမ်းတိုင်း
“ လွမ်းတယ်..ဒိုင်ယာနာ “ တဲ့။

မောင်ခန့်မြေ (ထီလာ)

ရေလှိုင်းခတ်သံသဲ့သဲ့က
ရင်ခုန်သံနဲ့စည်းချက်ညီညီနှီးနှောတယ်။
ပြာလဲ့လဲ့လေညင်းတွေရဲ့
တိုးတိုက်မှုအောက်မှာ
ဆံနွယ်နွဲ့နွဲ့ကပါးပြင်ကိုကျီစယ်တယ်။
သစ်ရွက်ခြောက်ကြွေသံနဲ့အတူ
လက်ဖ၀ါးနုနုလေးအေးသွားတယ်။
ပါးမို့မို့လေးနွေးသွားတယ်။
ဒီလိုနဲ့..
မီးမထွန်းသေးတဲ့ကမ္ဘာကြီးထဲမှာ
စကားစမြည်စိုက်ခင်းတွေဟာ
တုန်တုန်ရီရီအဖျားတက်ခဲ့ပေါ့။

                   မောင်ခန့်မြေ (ထီလာ)

လရောင်ပျောက်
ညဥ့်လယ်ရောက်မှ
့သည်းထန်စွာရွာတဲ့မိုး
သစ်ကိုင်းတွေကိုချိုးလို့..။
အဲ့ဒီလို..

ညပေါင်းအနန္တနဲ့
လူပေါင်းမြေက်များစွာထဲက..ငါ။

ဟုတ်တယ်.။
အတုအစစ်မကွဲပြားတဲ့
ညနက်နက်တွေအောက်မှာ
အိပ်မက်ကြွေတွေကောက်ဖို့စောင့်ရင်း
ရထားလာချိန်နီးမှ
ကိုင်ထားတဲ့လက်မှက်ပြန်ကြည့်မိတယ်..။

မောင်ခန့်မြေ (ထီလာ)

ကောင်းကင်ကို
မော့ကြည့်တိုင်း
အတွေးထဲက
ပုံရိပ်မဲ့လတစ်စင်းက
ထင်းထင်းထင်လို့...။

အာရုံတစ်ခုရဲ့
ဆွဲငင်ရာလိုက်ရင်း
ကျိုးကြေသွားတဲ့
ခံစားမှုတွေကို
ဘယ်လိုစုစည်းရပါလိမ့်..။

ခပ်ဖွဖွ..တီးတိုး
တိုင်တည်ရွတ်ဆိုခဲ့တဲ့
စကားလုံးတွေကလည်း
တောင်သမန်အိပ်မက်ရဲ့
မယ်ဇယ်တန်းမှာ
ကျကျန်ခဲ့ပြီထင်ပါရဲ့..။

ဘာသာဗေဒ
နားမလည်သူတစ်ဦးအတွက်
မျဉ်းပြိုင်နှစ်ကြောင်းရဲ့
ဆုံမှတ်ကိုလိုက်ရှာရင်း..
ကန်တော်ကြီးမှာ..တွေ့နိုးနိုး
ရွှေပြည်မိုးမှာ..ရှိနိုးနိုး
မဇ္ဈိမမှာ..ခိုနိုးနိုးနဲ့
ခြေရာဖျက်..မိုးဖွဲဖွဲ
ရင်ခွင်ပျောက်ညများ...။

ဟင်္သာနန်းတော်ထဲက
မှုတ်ထုတ်လိုက်တဲ့
အဖြူရောင်လေတွေကို
ရှုရှိုက်ရင်း
ကျုံးရေပြင်ကိုငုံ့ကြည့်မိပါရဲ့..
လတစ်စင်း
ဘယ်အချိန်ရောက်လာမလဲပေါ့..။

မောင်ခန့်မြေ (ထီလာ)






အစုန်..အဆန်
အတက်..အဆင်း
အထွက်..အ၀င်
အသွင်း..အထုတ်နဲ့
အသက်ရှုသံများအောက်က
မီးတောက်နေတဲ့ရုပ်ဝတ္ထုပေါင်းများစွာ..။

မီးဆိုတာလောင်တတ်တဲ့အမျိုး
လောင်ပြီဆိုမှတော့တောက်ပြီပေါ့..။
အသိမဲ့မီးတောက်တွေ..
သတိမဲ့မီးတောက်တွေ..။

မသိမှုဆိုတဲ့မှုန်ဝါးဝါး
မီးတောက်တစ်ခုကြောင့်
ငါမဟုတ်တဲ့ငါကို..ငါထင်တဲ့
လူမျိုးရေးခွဲခြားမှုတွေကြီးထွားကြ..။

အာသာရမ္မက်ပြင်းပြင်း
မီးတောက်တစ်ခုကြောင့်
ကိုလိုနီနယ်မြေတွေ
အပြိုင်အဆိုင်ရှာဖွေကြ..
စီးပွားရေးဈေးကွက်တွေ
ချဲ့ထွင်ကြ..။

အာဃာတပြင်းပြင်း
မီးတောက်တစ်ခုကြောင့်
နူးကလီးယားလက်နက်တွေ
အပြိုင်အဆိုင်တပ်ဆင်ကြ
ဘာသာရေးစစ်ပွဲတွေဆင်နွှဲကြ..။

သံသရာတစ်လျှောက်
တောက်..တောက်လာတဲ့
မီးတောက်တွေ...
မီးတောက်တွေ...။
အဲ့ဒီ...
မီးတောက်တွေကြား
အိုဇုန်းလွှာဟာပါးသထက်ပါးလို့..
ကမ္ဘာကြီးဟာပြားသထက်ပြားလို့..။

ဟော..
ဟိုမှာ..
မီးတောက်တွေကြားက
သစ်ပင်တစ်ပင်..။
နှစ်ပေါင်းအသင်္ချေရင်းလို့
တစ်ကိုယ်တည်းတူး..
တစ်ကိုယ်တည်းဆွ...
အရိုးတွေကျွေး..
အသွေးတွေလောင်းပြီး
စိုက်ခဲ့တဲသစ်ပင်တစ်ပင်..။

ယခုချိန်ထိ
အေးလို့...
ငြိမ်းလို့...
ငြိမ်လို့..
အပ္ပမာဒေန
သမ္ပာဒေထ ဆိုတဲ့
သစ်ရွက်တွေခြွေချလို့...။

မောင်ခန့်မြေ (ထီလာ)




စေ့စေ့စပ်စပ်မော့မကြည့်ဖြစ်တဲ့
ကောင်းကင်ကြီးက
ကျွန်တော်ကိုစေ့စေ့စပ်စပ်ငုံ့ကြည့်လို့...။


စူးစူးစိုက်စိုက်ငုံ့မကြည့်ဖြစ်တဲ့
မြေပြင်ကြီးက
ကျွန်တော်ကိုစူးစူးစိုက်စိုက်မော့ကြည့်လို့..။


သေသေချာချာခိုင်းစေမထားတဲ့
ခြေဖ၀ါးနှစ်ခုက
ကျွန်တော်ခန္ဓာကိုသေသေချာချာသယ်ဆောင်လို့..။


တိတိကျကျကျောခိုင်းထားတဲ့
သေခြင်းတရားက
ကျွန်တော့်ရှေ့မှာတိတိကျကျလာရပ်လို့...။


ဟုတ်တယ်..။
ဒီအဆိုဟာယေဘုယျအားဖြင့်မှန်တယ်..
စကြာဝဠာကြီးလည်းလက်ခံတယ်..
သမုဒ္ဒရာကြီးလည်းထောက်ခံတယ်..
ကျွန်မကလည်းမငြင်းဘူး..။




ငါ..ဝေတဲ့အချိန်
အရိပ်ခို
အရွက်စား
နားလိုလည်းနားပေါ့...။

ငါ..ကြွေတဲ့အချိန်
အရွက်မဝေ
အရိပ်ပါး
သွားလိုလည်းသွားပေါ့..။

ငါကတော့..
ဝေတစ်ခါ
ကြွေတစ်လှည့်နဲ့
ပစ္စုပ္ပန်တည့်တည့်ကိုရှာ
သစ်တစ်ပင်ရဲ့သံသရာမှာ
သံသရာဆိုတာ...။
သစ်တစ်ပင်ရဲ့သံသရာမှာ
သံသရာဆိုတာ...။





အဲ့ဒီ...
အက္ခရာနှစ်လုံး
ငါ့..ပြုံးပြူံးပြ
မုန်းလို့မ၀...
ချစ်လို့မရ...။



 

အတ္တကိုအတ္တနဲ့ထုပ်
မသိစိတ်တို့မိုးမချုပ်ခင်
လမင်းကိုဖမ်းဆုပ်ဖို့
ကောင်းကင်မှာဟန်ရေးလုပ်တယ်။

လမင်းတပ်မရဲ့
ဦးခေါင်းမှာစိုက်ထားတဲံ့အလံပြာ
ဝေဒနာနဲ့ထွေးရစ်
အတွေးသစ်နဲ့စတေး
ဟမ္မူရာဘီကိုကျောပေးခဲ့တယ်။

ပွဲကတော့ပွဲကောင်းတစ်ပွဲပါ..။
မိုးတဖြိုက်ဖြိုက်
မီးတမိုက်မိုက်မှာ
ရှိုက်ခဲ့တဲ့စီးကရက်ဇာတ်လမ်း
ရင်ကွဲပန်းတစ်ပွင့်
နင်းချေပစ်ပေါ့..။

ငါကတော့..
မိုးသည်းတစ်ညအပြန်လမ်းအတွက်
ကောင်းကင်နှစ်ထပ်ထပ်
အိပ်မက်အနမ်းရွက်ပြီး
ပင်လယ်တုကိုဖြတ်သန်း
ပွဲသိမ်းဇာတ်လမ်းကို

ဝင်သက်မဲ့ကဗျာခန်းမှာထားခဲ့တယ်..
ပွဲသိမ်းဇာတ်လမ်းကို
ပွဲသိမ်းဇာတ်လမ်းကို
ပွဲသိမ်းဇာတ်လမ်းကို
ဝင်သက်မဲ့ကဗျာခန်းမှာထားခဲ့တယ်..။




အမေရေ..
အမေဆိုသိပ်ခဲ့တဲ့
အိပ်ယာဝင်သားချော့တေး
"မိတ္ထီလာကန်တော်အောက်က
ဖားကလေးတွေကောက်ခါပေး"တဲ့။
အဲ့ဒီတေးတွေပြန်ပြန်တွေး
သားရင်တွေအေး..အေးနေဆဲပါအမေ။

ငါ့သားရေ..
"မင်းမဆိုးနဲ့..မခိုးနဲ့..မတိုက်နဲ့..မရိုက်နဲ့.."တဲ့။
ဥမမည်စာမမြောက်
လူလားမမြောက်တမြောက်အချိန်မှာ
အမေဆုံးမခဲ့တဲ့စကား
သား..ကြားနေဆဲပါအမေ။

ဒီလိုနဲ့...
အမေအဆုံးအမတွေကိုနှလုံးသွင်းရင်း
လောကမြစ်တစ်စင်းထဲခုန်ဆင်း
မြင့်မြတ်သူတို့ရဲကမ်းလင့်ခြင်းမှာလျှောက်
အမှန်တရားရဲ့ခြေရာကိုကောက်ခဲ့တယ်..အမေ။

 အမေရေ..
သားလေ...
လရောင်မနမ်းတဲ့ကွန်ဒိုမီယံအခန်းက
လူအခွင့်အရေးငုံ့မကြည့်သူတွေကိုနှုတ်ဆက်..
အထိမ်းအကွပ်မရှိကြီးထွားလာတဲ့ဂုဏ်ဓနတွေကို
ကိုယ်ကျင့်တရားဆိုတဲ့ပေတံနဲ့မတိုင်းတာသူတွေနဲ့လမ်းခွဲ..
ကျန်းမာရေးချို့တဲ့နေတဲ့ကမ္ဘာကြီး
နာလန်မထနိုင်အောင်လုပ်နေတဲ့
ကိုယ်ကျိုးရှာအတ္တ၀ါဒီတွေကိုကျောပေးရင်း
အပြာရောင်လူယဉ်ကျေးတွေရဲ့အသိုင်းအ၀ိုင်းမှာ
အပြာရောင်ကဗျာတွေကို
မပီကလာနဲ့တီတီတာတာရွတ်တတ်နေပြီ..အမေ။

ဒီလို..
ကဗျာတွေရွတ်ခြင်းရဲ့အကျိုးဆက်
မာသာထရီဆာကိုချစ်တတ်လာတယ်..အမေ။
ဒိုင်ယာနာကိုမမုန်းရက်..
စုငိဟာရကိုလေးစားမြတ်နိုး..
ပြီးတော့..
သားတို့နိုင်ငံက
အဖြူရောင်သမိုင်းနဲ့လူတွေ...
အဖြူရောင်သမိုင်းနဲ့လူတွေ..။

အမေရေ...
သားလေ..
ဘောင်ခတ်ခံထားရတဲ့
ပုံသေကားချပ်ထဲကခုန်ထွက်ရင်း
အပြောင်းအလဲတစ်ခုကိုရှာ
အောင်မြင်မှုဗလာနဲ့
နောင်တတွေတဗုန်းဗုန်း
သင်ခန်းစာတွေအတုံးအရုံးနဲ့
သူတို့ကိုမုန်းတယ်..အမေ။

နောက်ဆုံးထွက်သက်ထိလေ
သေနတ်ပြောင်းဝကိုငုံသွားတဲ့
အဒေါ့ဟစ်တလာကိုမုန်းတယ်..
ကဒါဖီကိုမုန်းတယ်..
မူဘာရက်ကိုကြောက်တယ်..
အိုစမာဘယ်လာဒင်ကိုမချစ်ဘူး..။
ပြီးတော့..
သားတို့နိုင်ငံက
အဖြူရောင်သမိုင်းမဲ့လူတွေ..
အဖြူရောင်သမိုင်းမဲ့လူတွေ.. .။


အမေရေ..
အမေပြောပြောနေတဲ့
ငါ..ကြားချင်တယ်ဆိုတဲ့စကား
အမေနားမှာကပ်ပြောပြမယ်..အမေ။
သားလေ...
အဖြူရောင်သမိုင်းမဲ့လူတွေကိုမုန်းတယ်...အမေ
 အဖြူရောင်သမိုင်းမဲ့လူတွေကိုမုန်းတယ်...အမေ           
အဖြူရောင်သမိုင်းမဲ့လူတွေကိုမုန်းတယ်...အမေ။
                                     
                                                 မောင်ခန့်မြေ (ထီလာ)
                                    





 လှုပ်လှုပ်ရှားရှား
 လုပ်လုပ်စားစား..။

 ပျို..ဖြာ..ဝေ..တောက်..။
 အို..နာ..သေ..ပျောက်..။



ငါဟာ..
ဘိုဟီးမီးယန်းတစ်ယောက်ပါ။
လျှောက်ချင်တဲ့လမ်းလျှောက်
ရောက်ချင်တဲ့လမ်းရောက်
နောက်မှာမင်းမပါစေရဘူး။

ငါလေ...
နှင်းဆီမျှားတစ်စင်းနဲ့
လမင်းကိုပစ်ခွင်းမယ်ကြံတိုင်း
ထုံထိုင်းထိုင်းဖြစ်ခဲ့တဲ့...လက်များနဲ့
ရင်ခွင်ဟာအပြာရောင်လဲ့
ကဗျာဖွဲ့ခဲ့ပေါ့။

ကြောက်ခဲ့ဘူးပါတယ်။
ခံစားမှုတွေကိုအရောင်ဆိုး
ပျားရည်မြစ်တစ်ဆင်းထဲဒိုင်ဗင်ထိုးခိုင်းတဲ့
ဆယ့်နှစ်ကြိုးသဘင်သည်များ
မင်းအနားမှာကနေမှာကိုလေ..။

မင်းက " လ " တစ်စင်းပါ..
ကောင်းကင်မှာ " တင့် "နေပါ..
ကောင်းကင်မှာ " ၀င့် " နေပါ။

ငါကတော့..
နှင်းဆီမျှားတစ်စင်းနဲ့
ငါ့ရင်ငါ့ပြန်ခြစ်
နစ်နေအောင်ခံစား
ကဗျာတစ်ပုဒ်ကြားမှာအဖျားတက်
ဒီတစ်သက်ပေါ့။



ချစ်လို့..အ
အလို့..ချစ်
အချစ်တဲ့..။

ချစ်လို့..အသွားသလား
အလို့..ချစ်သွားသလား
လား...
...လား
လား...ဆိုတဲ့
အဲ့ဒီအမေး
ဘယ်လိုဖြေမလဲတွေးရင်း
တွေးရင်း..တွေးရင်း.
ရေးရေးလေးမြင်
ရိပ်ရိပ်လေးထင်
မင်းရင်ခွင်လက်ညိုးထိုး
အဖြေတစ်မျိုးတိုးခဲ့...။
အမှတ်တမဲ့
အမှတ်မဲ့..။


 



ငါ့..အစာအတွက်
အတ္တထမ်းပြီး
လမ်းလျှောက်ထွက်တယ်။

ကွန်ချက်အောက်မှာ
ထပွက်လာတဲ့အဆင်မပြေခြင်းများ..
နှလုံးသားနင်းခြေသံများ..
သောကဒိုင်ဗင်ထိုးသံများ..
ခံစားမှုလေဟုန်စီးသံများ..
အကြင်နာလှိုင်းခတ်သံများ..။

တောက်ခေါက်သံကြားတော့
ကားလိပ်ချတယ်။

ကလေးရေ..
ငါ့အစာလောကကြီးကနေ
လောကကြီးအစာငါဖြစ်ဖို့
သင်္ခါရတရားကို
ငုံထားလိုက်တယ်။



လရောင်ဝင်းပ ကြယ်ဖြာညလည်း
ရရပါလို ငါမဆိုဘူး။

ကြည်လင်အေးပေါက် စမ်းရေပေါက်လည်း
သောက်ရပါလို ငါမဆိုဘူး။

ကြီးကြယ်ခမ်းနား စည်းစိမ်ကြားမှာ
ခံစားပါလို ငါမဆိုဘူး။

ဤနေ့ဤခါ ဤကမ္ဘာမှာ
ငါဟာနှစ်လို တောင်းဆုဆို၏။

ငါဆိုစကား အမေကြားရန်
မြေကြားဝတိံ ခေတ္တငြိမ်အံ့။

အမေ...
အမေဘ၀ ဖြစ်တိုင်းလှ၍
ဒုက္ခမရှိ ဘေးနတ္ထိနှင့်
မသိမရ မ၀စကား
မကြားစေလို တောင်းဆုဆိုသည်
ဤနေ့မှစ...ပြည့်စေသား။





လူလည်းချစ်
ကဗျာလည်းချစ်...။
လူချစ်ကဗျာချစ်
မိခင်စစ်..။




စာမျက်နှာပေါ်
မရောက်သေးတဲ့ကဗျာများ
ဖြန့်ကြဲထားတဲ့အခန်း
လှမ်းမည့်သူမရှိ...
နမ်းမည့်သူမရှိ...
လွမ်းမည့်သူမရှိ...
ဒီနေ့ထိပေါ့။

အို...
သခင်...
ကဗျာဆရာရဲ့အခန်း
မလှမ်းချင်နေပါ...
မနမ်းချင်နေပါ...
မလွမ်းချင်နေပါ..။
သို့သော်..
ဤစည်းကမ်းကိုလိုက်နာပါ။
သတိ..
လွမ်းတတ်သည်
တံခါးမခေါက်ရ။



ဘ၀..
ထိုအက္ခရာနှစ်လုံး
အဖြူရောင်သန်းပါစေသတည်း။

အမေ..
ထိုအက္ခရာနှစ်လုံး
အပြာရောင်သန်းပါစေသတည်း။

အချစ်.
ထိုအက္ခရာနှစ်လုံး
အဓိပ္ပါယ်သိပါစေသတည်း။

ဆုတောင်းခြင်း
အနန္တနဲ့..
ဘ၀..
အမေ..
အချစ်ကိုလက်တွဲ
အိပ်မက်ထဲမှာလမ်းလျှောက်
ဘယ်နှစ်ခေါက်ပေါက်မှန်းမသိ
လမ်းကတအိအိ
ခြေဖ၀ါးကမထိတထိ။



လှိုင်းဒဏ်လည်းခံ
လေထန်လည်းအံတု..။
သူ့အလှသူထုဆစ်
ပန်တော်ကျဂီတအဖြစ်ပေါ့..။



လည်ပြန်
ရူးသွပ်ချင်ပါရဲ့...။
ဒီဂီတ
ဒီကဗျာ
ဒီအိပ်မက်နဲ့အတူပေါ့..။

ဆွဲဆောင်မှုတစ်ခုရဲ့
ဆွဲငင်ရာ..
အာရုံအသစ်တစ်ခုရဲ့
ထုဆစ်ရာ..
နုညံ့မှုတစ်ခုရဲ့
ပေါက်ဖွားရာ..
လိုက်နေ
မြင်နေ
ထိနေတဲ့..အတွေးများ။



နေသာတဲ့နေ့
ကန်ရေပြင်ထက်
ငွေရည်အိုင်တစ်ကွက်။

တိမ်ထူတဲ့နေ့တစ်နေ့
ကန်ရေပြင်မှုန့်မှိုင်း
အုံ့ဆိုင်းဆိုင်းပေါ့။

ဟော..
နေလည်းသာ
လေလည်းလာခိုက်
ငါ့ခြေ..ဦးတိုက်ကြသည့်
ငွေရည်ကွက်များ...။




အိမ်ခေါင်ပေါက်ပေါက်
နေရောင်ဖျောက်ဖျောက် ...။

ဧည့်လာနည်းနည်း
မျက်နှာမွဲမွဲ ..။

သစ္စာမတ်မတ်
မေတ္တာသွက်သွက်..။


ခလုတ်ထိမှ အမိတတ
ဒုက္ခငြိမှ သတိရရ...။

အမေဆိုတဲ့..
စကားနှစ်လုံးကတော့
 လောကမှာအချိုမြိန်ဆုံးပေါ့..။



ထိုအက္ခရာ
နှစ်လုံးဖြင့်..
မြင်သူ
ကြားသူ
ထိတွေ့သူ တို့၏
နှလုံးသားတို့သည်
နုညံ့သိမ်မွှေ့ပါစေသတည်း ။



picoodle.com

အလွမ်းသင့်စကားလုံးလေးများ

ကဗျာနှင့်အိပ်မက်ထဲလမ်းလျှောက်ကျင့်တဲ့ကျွန်တော်ကအိပ်မက်ထဲလမ်းလျှောက်ကျင့်ဖို့ကဗျာနှင့်အတူကြိုဆိုပါတယ်။အားလုံးကိုယ်ကျန်းမာစိတ်ချမ်းသာစွာဖြင့်ခမ်းနားတောက်ပတဲ့ဘ၀တွေကိုပိုင်ဆိုင်နိုင်ပါစေလို့ဆုတောင်းပေးပါတယ်ခင်ဗျာ..။

About Me

My Photo
Mg Khant Myay (Htila)
View my complete profile

Followers

အလွမ်းသင့်ရှိုက်သံ

Myanmar Calendar





Blog Archive

Pages

You can replace this text by going to "Layout" and then "Page Elements" section. Edit " About "